Viveiro, 03 de setembro de 2021. A estas alturas, é innegable a capacidade do goberno local, sinaladamente da súa presidenta, María Loureiro (PSOE), para deixar perder oportunidades para Viveiro. O portavoz popular, Óscar Rodríguez, di que o seu grupo xa denunciou en varias ocasións que a falta de ganas de traballar e de visión de futuro leva a alcaldesa a renunciar a proxectos de gran interese para o municipio. Un deses casos é a perda da posibilidade de crear na cidade o centro dedicado ao empresario José Barro, que se asentará en Mondoñedo. Os populares presentarán un rogo na próxima sesión plenaria para que a presidenta da corporación municipal explique por que sendo Viveiro o municipio no que o emprendedor desenvolveu a parte máis importante da súa tarefa, o centro que o recordará acaba en Mondoñedo, a súa cidade natal.
Óscar Rodríguez está convencido de que a alcaldesa, cando a Asociación de Profesores de Automoción propuxo esta iniciativa, non chegou nin a darse conta do interese que podía ter para Viveiro. No PP queren saber a data na que se celebrou a reunión co representante de Apaga, o contido da mesma e os criterios que se tiveron en conta para renunciar á realización do proxecto.
O portavoz popular di que contar cun centro deste tipo constituiría un recurso máis para atraer visitantes a Viveiro. Co tempo, ese centro podería medrar e cubrir moitas das frontes industriais que explorou tan dinámico empresario. Lembra que a revista Vida Galega cualificou en 1909 a José Barro como “símbolo do espertar da nosa raza á vida de grandes industrias” e dicía que “Viveiro pode estar satisfeita del, xa que dá alentos a múltiples iniciativas de importancia extraordinaria”. Rodríguez declara: “Pois vese que, por algún escuro motivo que esperemos que nos aclare, a alcaldesa non encontra motivación para dedicar un espazo en Viveiro a Barro, nin entende o interese que pode ter para a cidade”.
Barro instalouse en Viveiro en 1896 cando comprou o complexo industrial de Chavín. A súa actividade emprendedora abarca áreas como electricidade, tecidos, transporte, construción, automóbiles e recambio de pezas. Rodríguez resume: “É outra oportunidade perdida de mostrar ao mundo desde Viveiro a intelixencia, o empuxe e a valentía de homes que, como José Barro, constitúen figuras fundamentais para esta cidade”
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
