A Mariña, 3 de setembro, 2021. A negociación para a renovación do Convenio Estatal de Acuicultura Mariña iniciouse en febreiro deste ano 2021 coa presentación de ambiciosas plataformas por parte dos sindicatos estatais e a CIG, coas que pretendiamos, entre outras cousas, o ascenso automático de categoría en función da antigüidade, e mesmo conseguir avances en materias como a mellora nas gardas en fin de semana e festivos, melloras nos permisos retribuídos, de revisión da nocturnidade, de redución da xornada de traballo anual…
Dende a CIG tamén pelexamos por unha subida salarial REAL, pois este convenio soportou anos co 0% de subida salarial. Reclamamos unha mellora das condicións económicas que servise para dignificar uns salarios moi cativos. Todo isto co fin de equipar as condicións do convenio coas que xa ten o persoal en algunha empresa do sector.
A finais do mes de xullo tivo lugar a última reunión da Comisión Negociadora do Convenio, na que se chegou a un preacordo entre a Patronal e os sindicatos estatais do sector (CCOO e UGT), que aínda está pendente de ser ratificado.
A CIG decide non aceptar a proposta final da patronal do sector
A decisión de no asinar a última proposta da patronal para o Convenio de Acuicultura Mariña tomouse nas Asembleas de traballadoras e traballadores afectados por este convenio e que se veñen celebrando desde o pasado mes de agosto.
Tras oito reunións da Comisión Negociadora nas que a patronal se ten mostrado absolutamente intransixente coas demandas da parte social, a patronal preséntanos unha proposta que non recolle ningunha das principais demandas sindicais e, no referente ao incrementro salarial, non hai subida salarial REAL. Para o ano 2021 a subida é do 1% cando o IPC xa supera neste momento o 3% (o que supón unha mingua do poder adquisitivo dos traballadores e traballadoras do sector) e no 2022 a subida que formulan é dun pírrico 1,3% con revisión ao final do 2022.
Despois de anos de non ter ningunha subida salarial e da insuficiente subida do último convenio, que non axudou a recuperar poder adquisitivo ás plantillas, agora pretenden pechar un convenio por dous anos, baixando os salarios e non mellorando en nada o resto das condicións do convenio. Asinar este preacordo suporía, de feito, traizoar ás persoas afectadas polo convenio, demostrando que, para algúns, todo o que se reclamaba ao inicio da negociación como irrenunciable non era mais que contos e fume. Onde quedan as promesas que lle fixeron CCOO e UGT aos traballadores da Mariña e do resto de Galiza? Onde quedan as subidas de categorías? Onde está a normalidade de cobrar polas noites traballadas?…
Por todo o anterior a CIG di rotundamente NON ó preacordo do Convenio Estatal de Acuicultura Mariña, postura que foi trasladada á Comisión Negociadora do Convenio polos dous compañeiros que representaron á CIG (ambos do Comité de Empresa de Insuíña-Xove).
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
