Burela, 7 de setembro, 2021. O novo proxecto do Pescados Rubén Burela FS 21-22, con Alberto Riquer á fronte, presentarase ante a Bancada Laranxa mañá, con derbi mariñán. O SD Xove FS, de Terceira, será o rival para a cita de estrea laranxa, que arrincará ás 20.30 e poderá seguirse en directo por BurelaFS.TV.
Acceso só para Socios 21-22
Co fin de cumprir co aforo permitido por protocolo Covid-19, só estará permitido o acceso para os soci@s 21-22, que terán que recoller a súa entrada en taquilla presentando DNI.
“Os obxectivos que se buscan son sobre todo físicos, estamos no proceso de poñer a todos os xogadores á altura desta tempada, adaptándonos á idea do que queremos” explicaba Alberto Riquer na terceira semana de pretempada mariñá. “Fomos incorporando aos poucos a algúns xogadores, polos confinamentos de chegada ao país, pero manexámolo ben e agora xa estamos segundo o previsto”.
O de mañá será o segundo amigable do conxunto burelista, tras o 1-6 fronte ao asturiano Rodiles FS o pasado 28 de agosto, no Memorial Pablo Cortina-José Huerta, con dobretes de Iago Míguez e Pitero, ademais de Álex e Wanderson. “Non foi unha cita de sacar moitas conclusións, con apenas cinco sesións tácticas; o rival tamén levaba moito tempo sen xogar. Era un partido para quitar as teas de araña da inactividade, de coller sensacións, e a actitude do equipo foi boa, que era o importante”, explicaba o técnico do Pescados Rubén, pedindo cada vez máis aos seus xogadores para chegar nas mellores condicións ao comezo do liga, o 9 de outubro: “Esta é a terceira semana de pretempada; temos que tentar aproveitar ao máximo cada partido preparatorio para coller ritmo. Será o primeiro encontro na casa; queremos dar a mellor cara posible todos”.
Ribeira FS, o sábado
Os burelistas pecharán a semana con visita ao municipal de Lugo para medirse ao Ribeira FS, de Segunda B; será o sábado, ás 12.00 horas.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
