Burela, a 27 de setembro de 2021. O portavoz do Grupo Municipal Popular de Burela, Manuel Rouco, explica que “o Concello de Burela vén de ser condenado segundo unha sentenza pública do Xulgado do Social nº 2 de Lugo a indemnizar con 40.000 euros a unha persoa que era empregada laboral fixa e que se xubilou por unha incapacidade en aplicación do convenio colectivo modificado no 2008”.
Os populares explican “ese convenio, aprobado sendo alcalde o señor Llano, recolle unha serie de bonificacións para os empregados do Concello que optaran por xubilarse anticipadamente ou que tiveran que xubilarse por algunha causa de incapacidade absoluta ou permanente”.
Polo tanto, entenden que “o equipo de goberno dirixido polo señor Llano, que conta con membros que foron moi activos dentro do mundo sindical e que di ser progresista e preocuparse polas cuestións sociais e polos seus empregados, está a incumprir os acordos adoptados no seu día e negándose a recoñecer os xustos dereitos dunha das súas traballadoras”.
Política laboral “completamente errática”: sen a RPT anunciada e falta de efectivos na Policía Local
“Isto é máis grave aínda se temos en conta que a política laboral que está a seguir o equipo de goberno é completamente errática. Só fai falta ver que levamos seis anos dende que o alcalde anunciara aos catro ventos unha nova relación de postos de traballo da que a día de hoxe aínda non se sabe nada”, manifesta o portavoz popular.
Tamén en relación á política laboral do goberno local que preside o señor Llano, lamentan dende o Grupo Municipal Popular que “o departamento de Policía Local estea sen cadro. Tal e como coñecemos todos os veciños de Burela, non se cobren tódalas quendas diarias porque estamos sen quenda de noite. Pero, ademais, hai quendas de tarde que, en ocasións, non están debidamente cubertas porque o departamento non conta con efectivos suficientes”. Neste caso, ademais, “a falta de xestión por parte do goberno local supón deficiencias en materia de seguridade cidadá”.
“Isto demostra ben as claras a nefasta política laboral do señor Llano e o seu goberno. Pero o peor de todo é que estes tres exemplos son un fiel reflexo da forma de actuar do actual equipo de goberno que ten quen llelo consinta. Os membros do PP non transiximos con este tipo de actuacións”, aclara.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
