Ribadeo, 15 de setembro 2021. O coordinador popular de Deportes, Tito Suárez, amosou a súa “pena, vergoña e decepción” despois de que o alcalde cualificase como “pírricas” as aportacións que reciben as asociacións por parte da Xunta.
A este respecto, sinalou que “co tempo que leva este señor en política debería saber o que costa conseguir subvencións ou facer os trámites ante a administración para conseguir colaborar cos colectivos, é dicir, con Ribadeo e cos veciños que é en quen reverten estas axudas”.
Tito Suárez aclara que “detrás desas caxigaliñas -como di o alcalde- está o traballo das asociacións, xa sexan deportivas ou veciñais, que teñen que elaborar unha memoria da actividade para a que pediu a colaboración. Dende o Grupo Municipal Popular colaboramos facendo xestións ante a Xunta, despois dun traballo contrastado das asociacións, para conseguir o que as asociacións requiren e acreditan con documentación: unhas veces polos, outras camisetas, outras sudaderas e outras veces, trofeos”.
O coordinador popular de Deportes explica que “a Xunta de Galicia aportou ao deporte ribadense un total de 122.876 euros neste mandato”. E aclara que “dende o Grupo Municipal Popular nos dedicamos a colaborar coas asociacións deportivas para aquilo no que piden o noso apoio”.
Pola contra, advirte o popular que “o goberno local se dedica a facerlles chegar requirimentos ás entidades que reciben axudas da Xunta para que nun prazo determinado de tempo presenten documentación indicando onde se vai investir a subvención do Concello ou, senón, se lle retirará a axuda municipal alegando que dispoñen de aportación doutra administración. E para iso acompañan unha foto-pantallazo do facebook persoal do portavoz, Daniel Vega, onde explica a colaboración da Xunta”, apunta.
O popular cre que é “incomprensible e aberrante” porque vén a supoñer que “ou fas o que eu digo, ou estás contra min”.
Orgullo dos deportistas ribadenses, máis que das cifras
Tito Suárez amosa o seu orgullo do deporte ribadense. “Para nós as axudas só son cifras” e “do que nos sentimos verdadeiramente orgullosos é dos deportistas da nosa vila e dos seus logros, como demostran os premios do ano pasado en case todas as disciplinas”. Polo tanto, “o Grupo Municipal Popular seguirá colaborando con todas as entidades deportivas de Ribadeo”, conclúe.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
