Mondoñedo, a 26 de setembro de 2021. A corporación municipal do Concello de Mondoñedo aprobou na sesión plenaria deste venres por unanimidade de tódalas forzas políticas iniciar o expediente para concederlle a Susana Rodríguez Gacio a distinción de filla adoptiva predilecta.
O alcalde, Manolo Otero, comunicoulle directamente á médica e deportista con raíces mindonienses o acordo adoptado polo pleno ante o que se amosou “moi contenta e ilusionada”, segundo explica o rexedor. Durante a conversa tamén lle trasladou o desexo do Concello de organizar un acto, unha vez rematado o procedemento administrativo, “coincidindo cunha data que se adapte ao seu calendario de compromisos e ocupacións”.
Susana Rodríguez Gacio vén de lograr a medalla de ouro en triatlón na clase PTVI e a quinta praza na proba de 1.500 metros da clase T11 nos Xogos Paralímpicos de Tokio; sendo, ademais, a primeira española en competir en dous deportes distintos.
Tres veces campioa mundial de triatlón, rematou en setembro do 2020 a especialidade de Medicina Física e Rehabilitación no Centro Hospitalario de Santiago e a partir de entón dedicouse exclusivamente a preparar os Xogos de Tokio despois de obter Diploma Olímpico xa en Río.
Recentemente, foi protagonista da portada da revista Time que destacou tamén a faceta profesional da atleta con diversidade funcional como médica en recoñecemento ao seu traballo dende a primeira liña durante a pandemia.
Exemplo de esforzo, constancia e éxitos deportivos
O goberno municipal amósase satisfeito polo “apoio unánime” para o inicio do expediente para concederlle esta distinción a Susana Rodríguez Gacio. “Os nosos veciños séntense moi orgullosos das súas raíces. É un exemplo para todos”, engaden.
O Concello quere recoñecer, polo tanto, a Susana Rodríguez Gacio polos éxitos deportivos; pero, especialmente, polos valores que representa: “enerxía, esforzo, constancia e superación”.
O goberno local sinala que “é unha figura de proxección internacional moi vinculada a Mondoñedo” porque “os seus pais e toda a súa familia son da parroquia de Argomoso e comparte con nós moitos momentos”. Recordan dende o consistorio que “foi pregoeira das San Lucas no ano 2016, despois de participar nos Xogos Paralímpicos de Río”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
