Santiago de Compostela, 17 de outubro de 2021. O Sindicato Nacional de Comisións Obreiras de Galicia (CCOO) reclama máis protección social para os case seiscentos mil galegos e galegas que viven por baixo do limiar da pobreza. Nesta liña, a actuación máis urxente é a modificación da risga para facela compatible co ingreso mínimo vital, tarefa á que a Xunta se comprometeu, «pero na que leva xa máis dun ano de atraso», denuncia o sindicato. Con motivo do Día Internacional para a Erradicación da Pobreza, que se conmemora este domingo, CCOO fai público un estudo que analiza a dimensión deste fenómeno no noso país.
A secretaria de Emprego e Protección Social de CCOO, Maica Bouza, matiza que a análise e avaliación da pobreza «reviste unha gran complexidade» debido á disparidade de parámetros que se utilizan na súa medición. Mídanse como se midan, os niveis de pobreza «alcanzan cotas inaceptables», polo que é «imprescindible» aproveitar as etapas de crecemento económico para desenvolver políticas que combatan a pobreza laboral, a precariedade e a desigualdade.
Segundo a enquisa de condicións de vida do INE (con datos do 2019), case seiscentos mil galegos e galegas, o 22,1 % da poboación, viven por baixo do limiar da pobreza (9626 euros para unha persoa soa). Un dato máis actualizado (do 2020), o do número de fogares sen perceptores de ingresos, sitúaos nos 34 100, cifra onde xa se recolle parcialmente o impacto da pandemia, cun aumento de 6600 sobre o ano anterior.
Modificar a RISGA
Para Maica Bouza, neste «grave contexto» as redes de protección social «deben desempeñar un papel determinante», especialmente no que se refire ao sistema público de pensións e as rendas de inserción. As dúas primeiras van ligadas en maior medida á vida laboral e, como CCOO detalla neste estudo, a situación de pobreza conflúe con vidas laborais intermitentes e precarias.
Por esta razón, «a prestación que debería darlles cobertura aos galegos e galegas en situación de necesidade é a risga, que debe modificarse para facela compatible co ingreso mínimo vital e cubrir aquelas situacións onde este non chega». Así mesmo, o sindicato demanda máis flexibilidade nos requisitos, menos burocracia e, en consecuencia, máis orzamento. «Estes son pasos imprescindibles se queremos reducir a pobreza e a exclusión social en Galicia», sinala Bouza.
Emprego de calidade
Para CCOO, o chamado «escudo social» despregado para combater o impacto da covid, o ingreso mínimo vital e o incremento do salario mínimo, «deron bos resultados pero non abonda». Pide a implicación da Xunta e do Goberno central para darlle a volta a esta situación. En concreto, cambiar a normativa laboral para promover o emprego de calidade; reforzar as políticas activas de emprego; ampliar a protección por desemprego; mellorar os salarios; garantir unha vivenda digna; elevar o IPREM; desenvolver un sistema fiscal progresivo e xusto e consolidar o sistema público de pensións.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
