Ribadeo, 30 de outubro de 2021. Daniel Vega vén de ser elixido presidente do Partido Popular de Ribadeo co 100% dos votos. O popular asume así a dirección do partido, na que estará acompañado de Begoña Sanjurjo na secretaría Xeral e por Montse Seijo na de vicesecretaría de Organización.
Visiblemente emocionado, Daniel Vega agradeceu o apoio masivo da afiliación, á que agarda compensar, dixo, “cun intenso traballo que se traduza nun bo resultado para o meu partido en 2023”. Neste senso, proponse, en primeiro lugar, “ser opción de goberno para ser goberno, e isto pasa por traballar e liderar inversión, e non por un goberno que só pensa na autofoto”, indicou.
Dentro dos obxectivos que se marca como presidente son, en segundo lugar, abrir o partido a toda a sociedade ribadense, co fin de “ir sumando cada vez máis persoas ao proxecto que me honra liderar”. E, en terceiro lugar, asumiu diante os asistentes o seu compromiso de “seguir traballando para traer novos investimentos a Ribadeo”. A este respecto, contrapuxo o traballo do goberno local, “que se traduce en tan só 375.000 euros de xestión nos últimos dous anos, fronte aos 2,5 millóns que xestionou o grupo municipal popular coa Xunta de Galicia”.
Vega fixo especial fincapé no apoio decidido da administración autonómica “e que dende o PP temos un especial empeño en trasladar a veciños, empresarios, colectivos entidades sociais…”. Como exemplos, citou o acondicionamento da estrada de Reme a Villamar (800.000 euros), as melloras na estación de autobuses (140.000 euros), a escola infantil na que se investiron 75.000 euros, ou o 1 millón de euros no colexio público. Por tanto, dixo, “iso do botafumeiro non se sostén, porque o botafumeiro bota fume, pero isto é xestión e traballo”, remarcou. Vega tamén fixo referencia aos ciclos de FP implantados na localidade, e tamén no futuro centro de saúde que se contribuirá na vila, no marco dos orzamentos autonómicos de 2022.
“Temos gañas de seguir traballando e de seguir impulsando Ribadeo. Pasemos dun goberno de sesta permanente a un goberno activo”, concluíu, ao tempo que agradeceu o traballo de todas aquelas persoas que no pasado tamén estiveron á fronte da formación. “Non somos nada sen o seu traballo”, afirmou.
Arroupado pola dirección provincial e autonómica
Daniel Vega estivo arroupado pola presidenta e o vicepresidente do Partido a nivel provincial, Elena Candia e Francisco Conde, respectivamente; ademais de polo secretario Xeral do PPdeG, Miguel Tellado; así como por outros cargos orgánicos a nivel provincial e con ampla representación nas institucións. Foi o caso do secretario Xeral, Javier Nodal; do de Organización, Javier Vázquez Prado ; do coordinador Xeral, José Manuel Balseiro ; e de deputados e outros membros do Partido Popular da provincia .
A máxima dirixente na provincia felicitou a Vega e ao seu equipo, depositando neles “a confianza absoluta da dirección provincial para que Ribadeo volva a ter un goberno do Partido Popular”. Este cambio, dixo Elena Candia, “comeza neste preciso momento e ten que verse recompensado nas urnas dentro de ano e medio”. Para elo, Candia púxose a disposición da agrupación local, indicando “que somos máis necesarios ca nunca”. “Levamos no ADN do Partido o traballo nas distancias cortas e iso é que nos deu o 50% dos votos nas autonómicas, ou que teñamos 12 deputados na Deputación, 9 no Parlamento, 2 no Congreso e 4 senadores. Somos un exército imparable para traballar por esta provincia”, destacou.
Elena Candia engadiu: “Temos que ser capaces de incrementar o 19% nas locais para equiparar o resultado das autonómicas para cambiar o rumbo de Ribadeo”. “Quizais este Concello sexa dos poucos que non deu nin un só euro para impulsar a reactivación e só basea a súa actuación en confrontar coa Xunta de Galicia. Deste congreso saímos reforzados e unidos, e facémolo cun líder que é moi constante no seu traballo e reivindicativo”, afirmou.
Loitar para que se siga producindo aluminio na Mariña
A popular manifestou a importancia do cambio precisa Ribadeo, pois “tdos sabemos, ademais, como está a Mariña; todos sabemos que o Goberno, por certo apoiado polos compañeiros do Sr. Suárez, o que fai é dar as costas a Alcoa, a Vestas e, mentras, a nosa comarca polo único que é noticia a nivel nacional é pola destrución de emprego”. Neste senso, defendeu: “temos que seguir loitando para que se siga producindo aluminio na Mariña, pero tamén temos a obriga de dicir a verdade: hai uns meses, un partido que é o que sustenta o goberno deste concello, sacábase unha foto prometendo un acordo no que ía a solución de Alcoa, pero nin o acordo se cumpriu, nin se moveu nin un só dedo e continuamos cun prezo da enerxía inasumible”, sentenciou Candia.
Equipo ao completo
Ademais do cargos propios da dirección, Vega crea varias vicesecretarías que serán claves no traballo da agrupación municipal de cara a conseguir o obxectivo de chegar á alcaldía en 2023. Trátase da de Comunicación, que ocupa Elena Sierra -esta concelleira será tamén a voceira da formación popular; a de Mobilización, que dirixirá Marta Saenz, e a de Acción Electoral, que desempeñará o o ex cargo directivo de Maphre, Manuel Álvarez.
Ademais crea as seguintes secretarías sectoriais: Desenvolvemento Local, que integra Economía e Emprego, Manuel Silveira; Igualdade e Mocidade, Vanesa García López; Medio Rural e Medio Ambiente, María Espiñeira Guitiérrez; Educación e Cultura, Cristina Lorenzo Fernández; Turismo, Juan López; Deportes, Tito Suárez.
O presidente engadiu, ademais, que no comité executivo tamén estarán integrados todos os representantes do rural e a lista electoral.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
