Ribadeo, 26 de outubro de 2021. O Campamento A Devesa acolle entre outubro e decembro actividades de fin de semana para mozos e mozas de entre 14 e 30 anos – divididos en tramos de 14 a 17 anos e de 18 a 30- dentro do programa ‘Outono Xove’ da Xunta de Galicia. Concretamente, neste campamento ribadense desenvólvense actividades relacionadas co mar e a cultura na Mariña.
A coordinadora de Educación e Cultura do Grupo Municipal Popular, Begoña Sanjurjo explica que “tiñamos relacionados os campamentos co verán, pero grazas a esta iniciativa cobrarán vida no outono ofrecendo aos mozos e mozas distintas actividades relacionadas coa natureza, o deporte e outras actividades de lecer”.
O Grupo Municipal Popular de Ribadeo convida, polo tanto, aos mozos e mozas a participar nesta iniciativa porque “os campamentos teñen moitos beneficios para a rapazada comezando polo seu desenvolvemento, a intelixencia emocional, as habilidades sociais e tamén a capacidade de empatía; sempre dentro dun ambiente de lecer”, segundo manifesta Sanjurjo.
O responsable de Deportes e Xuventude, Tito Suárez, engade que “estas actividades fomentan o deporte a través de distintas disciplinas que lles permitirá aos participantes desfrutar da súa favorita ou descubrir outras novas”.
Os interesados poden inscribirse a través da web da Xunta www.xuventude.net. O custe da cota é de 25 euros (incluíndo aloxamento e manutención) e ofreceranse descontos do 25% -18,75 euros- para membros de familias numerosas, monoparentais ou titular dun carné xove activado.
Instalacións abertas ás asociacións
Os populares lembran que “a Xunta pon a disposición das asociacións da zona as instalacións deste albergue xuvenil durante todo o ano; xa sexa para realizar actividades regulares coma adestramento de disciplinas deportivas ou para actividades ocasionais promovidas por algunha asociación”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
