A Mariña, 29 de outubro de 2021. Os tres deputados no Parlamento de Galicia da Mariña, Elena Candia, José Manuel Balseiro Orol e Daniel Vega, poñen en valor o investimento que realizará a Xunta de Galicia en 2022 en materia de saneamento nos concellos de Burela, Viveiro e Foz, e que ascende aos 7,2 millóns de euros. Concretamente, e segundo se pode comprobar nas contas presentadas polo Executivo autonómico, levaranse a cabo actuacións relacionadas co tratamento de augas, así como a construcción ou mellora das depuradoras en ditas localidades.
Para os populares “sáldase unha débeda histórica”, ao tempo que se dará un servizo necesario para os veciños destes tres municipios. Dun xeito desglosado, as partidas económicas que se recollen no documento orzamentario son as seguintes: Viveiro (1,6 millóns para o saneamento de Celeiro e mellora da EDAR, e melloras nas liñas de tratamento 1,29 millóns); mellora de saneamento e construción da de Burela (420.000 euros); e, en Foz, execución dunha nova depuradora (3,85 millóns).
“Agradecemos a sensibilidade do Goberno galego coa nosa comarca que recolle unha demanda constante dos veciños destes concellos. Son actuacións que, ademais, de dar un mellor servizo, mellorarán a súa calidade de vida”. Para os deputados do PP demóstrase “que non é o mesmo que gobernen uns a que gobernemos outros”. “Fronte a un Goberno central que, por exemplo, soterra a autovía da Mariña ou que aínda non deu unha solución a Alcoa, a Xunta de Galicia cumpre recollendo no DOG as demandas da Mariña”.
Intervención Alcoa
A este respecto, dende o PP valoran positivamente a resolución do Tribunal Superior de Xustiza de Galicia (TSXG) que anula o ERE de Alcoa e reclaman, unha vez máis, a intervención pública da Sepi se fose necesario. “O Goberno ten que actuar xa. Vímolo dicindo nos últimos meses e estano a pedindo a gritos os traballadores. A venda debe ser inmediata e se é necesario que interveña a Sepi”, insisten.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
