A Fonsagrada, 11 de novembro de 2021. O Partido Popular de A Fonsagrada considera que o Concello perdeu unha oportunidade de crear emprego no municipio ao renunciar ao obradoiro de emprego da Xunta de Galicia, solicitado conxuntamente cos municipios de Negueira de Muñiz e de A Pontenova.
O voceiro do Grupo Municipal, José Regueiro, denuncia que, nun momento como o actual, “se desaproveite” e “se desperdicie” unha iniciativa como a que pon a disposición das entidades locais a administración autonómica, e que permitiría a contratación de 20 persoas en paro do municipio durante 9 meses.
O popular critica a decisión do rexedor socialista, pois “en vez de sumar, resta”. E é que, mentras, máis do 80% dos municipios de Lugo poderán contratar a unas 400 persoas en situación de desemprego, A Fonsagrada renuncia”. Isto supón, advirte Regueiro, “que se deixe de dar unha oportunidade laboral a unha vintena de veciños que estarían desexando ter unha nómina”.
“Non entendemos como se pode actuar con tanta irresponsabilidade ante algo que só reporta beneficios para as familias”, pois, unha vez rematado o contrato, os seleccionados poderían traballar nunha empresa da zona por un mínimo doutros 3 meses a xornada completa.
Regueiro advirte, ademais, que “renunciaron a un proxecto que eles mesmos elaboraron e pediron”, e que conta cunha dotación económica de 362.000 euros.
Concellos da Montaña que si terán obradoiro
“É unha decisión inadmisible”, sobre todo, engade, “cando outros alcaldes e compañeiros de partido que están colindando con Fonsagrada si que souberon entender a sensibilidade da Xunta de Galicia ao poñer esta importante ferramenta laboral á súa disposición”. É o caso de Cervantes, Navia de Suarna, Pedrafita do Cebreiro e Triacastela, incluídos no proxecto denominado Ancares IV; As Nogais, Baralla e Becerreá, que repiten a proposta Vía Künig; e Negueira e A Pontenova, logo da renuncia de A Fonsagrada, no denominado Madeira de Futuro.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
