Ribadeo, 23 de novembro de 2021. Deu comezo o primeiro taller de elaboración de queixo, que se desenvolve na escola Pedro Murias. Enmárcase no programa de actividades que desde o Concello lle propuxeron aos centros escolares de Ribadeo para o presente curso. Hoxe, martes, asisten preto de 50 nenas e nenos do colexio Gregorio Sanz de 1º de Primaria, divididos en grupos de 12. Xunto a eles estiveron a concelleira de Servizos Sociais e Obras, Mónica Freire, e o alcalde, Fernando Suárez.
O edil de Medio Rural, Marcos Villamil, contou que “esta xornada, que será a primeira dun total de tres, encádrase dentro do programa de actividades que desde o Concello propuxemos aos centros escolares ribadenses de cara a este curso lectivo 2021-2022. Así pois, e como parte das actuacións que levaremos a cabo durante este curso escolar, temos proxectados un total de 3 talleres de elaboración de queixo fresco que teñen lugar os días 23, 25 e 30 de novembro en horario de 10:00 a 14:00 horas con alumnas e alumnos de primaria do CEIP Gregorio Sanz, na aula de lácteos da Escola Pedro Murias”.
O concelleiro ribadense dixo que “desde a Área de Medio Rural sabemos que un dos eixos de futuro de Ribadeo pasa polo desenvolvemento sostible do sector agrario. Para isto é importante aproveitar todas as potencialidades que temos ao redor, potencialidades como as instalacións do Centro Pedro Murias. E o Concello de Ribadeo, como membro do Padroado da Fundación Escola Agrícola Pedro Murias, de Vilaframil, quere ser promotor de iniciativas innovadoras que promovan un rural vivo, para o cal é fundamental implicar ás novas xeracións”.
E engadiu: “desde o Concello queremos tamén trasladar o noso agradecemento a Axencia Galega de Calidade Agroalimentaria e en particular aos traballadores do Centro Pedro Murias, que colaboran no desenvolvemento destas actividades”.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
