U
Lugo, 29 de novembro de 2021. O secretario xeral para o Deporte, José Ramón Lete Lasa, acompañado polo delegado da Xunta na provincia, Javier Arias, participou na mañá de hoxe da presentación da Futsal Women’s European Champions na que competirá o Pescados Rubén Burela FS do 2 ao 5 de decembro no Pazo Provincial de Deportes. No acto que tivo lugar no Hotel Torre de Núñez, o mandatario galego asegurou que “falar de fútbol e Champions é falar do deporte galego” e recordou os éxitos de Lucas Vázquez, tres veces campión da Champions de fútbol, de Vero Boquete, primeria campioa española da Champions de fútbol feminino ou de Pola, dúas veces campión da Liga de Campións de fútbol sala. Neste sentido lembrou a vitoria do Burela no 4 Nations Futsal de Milán d e 2019 e amosou o seu convencemento de que as ‘Guerreiras laranxas’ se volvan a alzar cun novo triunfo internacional nesta da Futsal Women’s European Champions.
O secretario xeral mandou unha mensaxe de igualdade a todos os nenos e nenas aos que animou a imitar o exemplo dos referentes galegos no fútbol, porque para ser campión de Europa “tanto ten seguir os pasos de Lucas Vázquez ou de Pola como de Vero Boquere ou de Peque”.
Precisamente, Lete Lasa lembrou os grandes éxitos do Burela no ano da pandemia no que gañou todos os títulos que disputou -Liga, Copa e Supercopa- e que ademais, foi nomeado como o mellor equipo do mundo coa xogadora Peque, como a segunda mellor e o adestrador Julio Delgado, tamén como o segundo mellor do mundo.
O responsable da carteira autonómica de Deporte subliñou a importancia de que unha competición tan importante como a Futsal Women’s European Champions, que conta co selo da UEFA, recale en Lugo, o que demostra que, “ademais dos mellores deportistas e clubs, contamos cos mellores organizadores de eventos deportivos e cos mellores campionatos”. Cómpre lembrar que a Xunta de Galicia patrocina este evento con 25.000 euros.
Futsal Women’s European Champions
O Futsal Women’s European Champions contará cos equipos de MFC Normannochka (Rusia), ZNK Osijek (Croacia) e Pescados Rubén Burela FS (España), encadrados no Grupo A, e de Benfica SL (Portugal), WFC Tesla (Ucraína) e Futsal Pescara Feminile (Italia), encadrados no Grupo B. O vindeiro xoves 2 de decembro, a competición dará comezo cos partidos entre o Benfica e o Tesla (17,30) e entre o Burela e o Osijek (20,00). A final será o vindeiro domingo 5 ás 13,00 horas entre os gañadores dos dous grupos.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
