Ribadeo, 29 de novembro 2021. “As entidades deportivas de Ribadeo merecen todo o noso respecto”. Así o afirma o coordinador de Deportes do Grupo Municipal Popular deste municipio logo de que o goberno local do BNG “sacase peito” co pagamento realizado a estes colectivos, a sabendas de que os impagos datan de 2016.
“As entidades deportivas teñen moito traballo detrás; só o saben o que están ao pé do cañón e, por tanto, teñen todo o noso apoio”. Precisamente, esta colaboración dos populares é a que permitiu que recibisen da Xunta de Galicia 65.000 euros. Por contra, os nacionalistas, engade, “tan só se dedicaron a poñer trabas, requerimentos e coaccionar e meter medo”.
Tito Suárez considera que, con tal proceder, ao alcalde “quitóuselle a careta”, pois, nas distintas ocasións en que os populares acusaron ao goberno local de non pagar a estes colectivos, “o único que recibimos foi insultos como chamarnos mentirosos”. Por tanto, e dado que “este días presumían de pagar” ás entidades deportivas, dende o PP conclúen: “quen mente agora?”. Con todo, Suárez adianta que “seguiremos traballando polas entidades locais con humildade, constancia e decisión”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
