Lugo, 27 de novembro de 2021. A Deputación de Lugo organizou este sábado unha visita á Serra do Xistral para dar a coñecer os avances do programa de conservación e aproveitamento da riqueza ambiental Life in Common Land que impulsa a institución neste territorio con fondos europeos. Un total de 41 representantes de grupos conservacionistas e comunidades de montes percorreron boa parte do territorio que forma parte do proxecto.
No Viveiró, o punto de partida da visita, o Deputado de Participación Cidadá, Roberto García Pernas, deu a benvida ao grupo e puxo en valor esta iniciativa que se desenvolve nunha Zona de Especial Conservación (ZEC) situada dentro da Reserva da Biosfera Terras do Miño e que é rica en turbeiras e brezais húmidos.
O grupo detívose na mancomunidade de montes de Montouto (Abadín) para unha explicación xeneral do proxecto coas súas distintas fases e subiu camiñando á Balsa (Muras) pola Cruz de Pedra. Os técnicos explicaron en detalle a restauración dunha turbeira de cobertor mediante a eliminación de piñeiral con corta manual, arrastre e reunión con tracción animal e saca con zorra e cable dende pista. Finalmente, na zona de Tenente e Xistral (Muras) a comitiva coñeceu algunhas das accións demostrativas de mellora que se están a desenvolver neste monte.
LIFE in Common Land é un proxecto que xurde co propósito de mellorar e traballar nas
ameazas que afectan aos hábitats do Xistral, como son as alteracións na composición do paisaxe, a degradación dos hábitats pola actividade humana ou o cambio climático.
A Deputación de Lugo, que lidera este programa que conta con fondos europeos e no que colaboran as universidades de Santiago de Compostela (USC) e da Coruña (UDC), trata de conservar e xestionar os hábitats que forman parte da Serra do Xistral e construír espazos de colaboración orientados ao desenvolvemento medioambiental e socioeconómico da zona montañosa norte da provincia.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
