Burela, 4 de novembro de 2021. O Concello de Burela concedeulle unha subvención nominativa de 10.000 euros a Acia Burela para este 2021. O convenio entre ambas partes foi asinado nas últimas horas. O alcalde burelés, Alfredo Llano, subliñou que o Concello programará diversas actividades durante o Nadal para a dinamización económica da localidade e que o 3 de decembro procederase ao acendido da iluminación decorativa desas datas.
O rexedor contou que “asinamos o convenio coa asociación de comerciantes e industriais de Burela co propósito de concederlles unha subvención nominativa de 10.000 euros para este ano. Tamén estivemos falando dos temas que preocupan e como vemos o futuro de todo o que é o comercio e a situación económica e social”.
Alfredo Llano explicou que “a subvención nominativa é unha fórmula de axuda para que eles poidan, coas súas iniciativas, facer aquilo que poidan sempre mellorando o comercio, a industria e todo o que leve consigo o movemento socioeconómico para o noso concello. Estivemos falando tamén das iniciativas que podemos facer no Nadal, independentemente desta axuda”.
O alcalde anunciou que “o Concello vai programar actividades lúdicas para que sexa tamén atractivo non soamente para a xente do noso concello senón tamén para os visitantes que poidamos ter. Imos intentar facer o acendido da iluminación do Nadal o 3 de decembro. Imos tamén procurar programar coa Acia para fortalecer o atractivo e que sexa moi visitado Burela, e ao mesmo tempo dar unha oportunidade de mercar e pasalo moi ben no noso concello”.
Llano adiantou que “imos facer unha reunión sobre o 15 de novembro para programar conxuntamente todo aquilo que vexamos que é bo para o comercio, para a xente e para a veciñanza de Burela. Pensamos que é bo as iniciativas que se poidan levar adiante e o compromiso do Concello en botar unha man en todo aquilo que sexa bo tanto para a Acia como para o concello de Burela de forma global”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
