Lugo, 02 de novembro de 2021. O proxecto de orzamento da Deputación para o 2022 é aínda unha incógnita, porque o goberno provincial non respondeu ao ofrecemento do PP para colaborar na elaboración das grandes contas para o próximo exercicio. Pero, á vista do orzamento para o ano que remata, no PP temen que o sector pesqueira sexa marxinado de novo. O grupo popular demanda “nos orzamentos para o 2022 se dea moito máis apoio ao sector pesqueiro, con campañas de diferentes tipos e sobre todo con partidas concretas para este sector, que é fundamental e transcendental na nosa provincia”.
O portavoz popular na Deputación, Javier Castiñeira, sinala: “Dende que socialistas e nacionalistas gobernan na Deputación de Lugo o sector da pesca é un dos grandes prexudicados nas contas provinciais. Dicimos isto porque estamos a pouco de coñecer as grandes contas provinciais para o 2022 e esta Deputación, no 2021 as aportacións máis significativas foron 18.000 euros para a Federación de Confrarías de Pescadores e 10.000 para Expomar-Produart, algo que é mínimo, tendo en conta que os orzamentos da Deputación totalizan 93 millóns de euros”.
Castiñeira tamén indica: “Noutras Deputacións, como as de Pontevedra e A Coruña, a aposta polo sector do mar e moito maior. O sector da mar na nosa provincia factura máis de 100 millóns de euros en venta directa, o que se transforma en 500 millóns en toda a cadea mar-industria lucense e crea máis de 1.500 postos de traballo directos. Para todo iso a Deputación só destina 18.000 euros”.
Na mesma liña, o portavoz popular di: “Entendemos que a falta de apoio orzamentario pola Deputación é unha falta de respecto a este sector empresarial tan importante e característico da nosa provincia”. Unha posición que “se une ao agravio e aos ataques que ao sector pesqueiro está a facer tamén o Goberno central; a última é a posibilidade de suprimir as bonificacións ao gasóleo do sector pesqueiro, que sería a gota que colmaría o vaso”. Castiñeira di tamén: “As políticas nacionalistas e socialistas van en contra do sector pesqueiro e, fronte a isto está a política que está a levar a consellería de Pesca da Xunta”. Neste sentido, Castiñeira destaca que “o orzamento da Consellería do Mar para 2022 é o máis alto da última década, acumula un incremento do 50% en cinco anos e roza os 200 millóns de euros”. Indica que a Xunta “ten o claro obxectivo de pasar da reactivación económica trala pandemia á recuperación impulsando un crecemento san do complexo mar-industria galego”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
