Foz, 9 de novembro de 2021. A desorganización do Concello debido á falta de xestión do goberno municipal é xa un grave problema para Foz. O caos no Concello é apreciable para calquera observador. A non convocatoria das sesión plenarias nas fechas que corresponden son unha demostración da caótica xestión do socialista Fran Cajoto. O portavoz municipal dos populares, Javier Castiñeira, di que o grupo do PP ten que denunciar, unha vez máis, os abusos do alcalde á hora de organizar e dirixir os plenos da corporación municipal de Foz. Lembra que “as sesións plenarias ordinarias son mensuais e que a corporación decidiu que se celebraran os últimos xoves de cada mes, e agora o señor alcalde convócaos cando quere”.
Castiñeira destaca que o alcalde “incumpre o Regulamento de Organización e Funcionamento das entidades locais, porque non responde ás preguntas que teñen dereito a presentar os partidos da oposición”. A máis recente sesión plenaria “é un claro exemplo”. Sinala: “Nesa sesión pedimos ao alcalde que nos dixera cales foron as razóns para que o Concello de Foz non solicitara á Xunta de Galicia que se incluíra a praza de policía local vacante na próxima convocatoria do proceso selectivo de policías locais para toda Galicia, tal e como el mesmo, prometeu nunha nota de prensa do 12 de xullo deste mesmo ano, cando anunciou a incorporación dos xentes ao cadro de persoal da Policía Local e quedaba esa praza que convocaría cando a Xunta fixese o correspondente anuncio”.
Castiñeira explica: “A Xunta fixo o anuncio, pero o Concello de Foz non aparece para nada e o alcalde non quixo contestar; Cajoto evadiu a resposta”. Non PP non saben se a falta de resposta se debeu a esquecemento ou a falta de organización, posto que é un auténtico desastre como ten organizado o concello o bipartito; os populares pregúntanse se foi algo premeditado
para evitar o custe dunha praza máis de policía local, o que sería moi grave posto que é moi necesario que se complete ao cadro de persoal da Policía Local”.
O portavoz popular manifesta: “Instamos ao alcalde a que responda, que cumpra coas súas obrigas como presidente da Corporación e sobre todo que non intente pisar os dereitos da oposición; queremos que canto antes aclare á Policía Local e aos veciños por que non convocou esa praza vacante”.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
