Lugo, 3 de novembro de 2021. O Presidente da Deputación de Lugo, José Tomé Roca, comprobou xunto ao Alcalde de Ourol, José Luis Pajón Camba, o resultado das obras executadas nos últimos meses cun investimento da institución provincial de 350.000€. En concreto, actuouse cun proxecto de 255.000€ en catro vías: na LU-P-6602, na LU-P-3805, na LU-P-3808 e na LU-P-6406, e con outro proxecto para a LU-P-3807, destinando 95.500€.
Tomé Roca estivo supervisando as melloras feitas na vía LU-P-6602, que conecta Rúa Nova a Muras por Sixto dende o punto 18,550 ata o 19,095. Rehabilitouse o firme con aglomerado en quente esta vía que dá servizo á veciñanza que ten gando na Serra do Xistral e tamén ás empresas que realizan o mantemento dos parques eólicos da zona. Pola súa banda, tamén se actuou na LU-P-3805, que une os núcleos de Sixto con Campo do Foxo e que comunica as parroquias de Bravos, Ambosores e Sixto, en dous treitos: dende o quilómetro 0 ata o 1 e do 11,240 ao 14,917.
Outra das obras realizadas pola Deputación en Ourol foi a da estrada LU-P-3808, que une os núcleos de Foxo a Portapena, onde se arranxaron case 3 quilómetros, entre os puntos 0 e 2,67. Pola súa banda, mellorouse a vía LU-P-6406, que vai dende Cristo da Portapena ata Ponte Segade, quedando renovados os 200 primeiros metros da estrada.
O mandatario provincial salienta tamén que en Ourol a institución executou melloras na LU-P-3807, a vía máis rápida que teñen os veciños da parroquia de San Pantaleón para chegar a Ourol e Viveiro. Nela a Deputación investiu preto de 95.500€ nos traballos de mellora nun treito de máis de 7 quilómetros, acondicionando a vía e repoñendo as liñas e marcas viarias reflexivas brancas.
Na visita tamén participaron os Deputados de Réxime Interior, Promoción do Territorio e Turismo, Pilar García Porto, e de Promoción Económica e Social, Pablo Rivera Capón, ademais dos enxeñeiros encargados da redacción e execución dos proxectos.
“Seguimos demostrando que unha da prioridades deste Goberno é a mellora das comunicacións. Cremos que unha boa rede de estradas é fundamental para o equilibrio territorial e para o desenvolvemento do rural, porque axuda a fixar poboación e a achegar os servizos. Ademais, en tempos de crise, a obra pública pode e debe actuar como un motor que incentive a actividade económica e que axude a manter ou crear emprego”, subliña o Presidente.
Máis de 6M€ na Mariña
A Deputación de Lugo inviste a longo deste ano 2021 nas estradas da Mariña máis de 6M€ a través de diferentes liñas de actuación. Dos 4.200 quilómetros da rede de estradas provinciais, a máis longa de toda España e tres veces maior que a da Xunta en Lugo, preto de 800 percorren a comarca mariñana.
Ao longo deste ano, a institución provincial ten en marcha unha vintena de proxectos finalizados ou en marcha para mellorar as vías da zona norte da provincia por un importe superior aos 1,61 M€. A esta cantidade súmanse as diferentes accións que, con cargo ao Plan Único 2021, melloran os camiños, os accesos a núcleos rurais e o acondicionamento e humanización de diferentes vías municipais cun custe total por riba dos 2,77M€. A maiores, o Plan Provincial de Conservación de Estradas destina á Mariña preto de 1M€, aos que hai que engadir outras colaboracións con entidades locais da comarca, como o convenio da Deputación co Concello de Foz para a urbanización da rúa Costa do Castro por importe de 466.880€, e que para esta anualidade ten consignados 233.440€.
A Deputación de Lugo tamén acomete obras de mellora e acondicionamento de vías, tanto provinciais, como municipais, con medios propios, a través dos equipos e os traballadores cos que conta no Parque Móbil. Ao longo deste ano 2021, a institución levou a cabo na Mariña diversas actuacións co Parque Móbil, que están valoradas nun prezo de mercado de 500.000€.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
