Lugo, 28 de decembro de 2021. A Deputación de Lugo reclamará á Xunta de Galicia que exerza as súas competencias e que impulse medidas de apoio para os traballadores e traballadoras afectados polo peche da planta de Vestas, en Viveiro. Así o acordou este martes o Pleno da Corporación provincial coa aprobación dunha moción do grupo do PSdeG, que contou co apoio do BNG, mentres que o PP se abstivo.
Grazas á proposta socialista, a Deputación tamén reclamará ao Goberno autonómico un plan de reindustrialización para a comarca da Mariña con medidas concretas, achega orzamentaria, proxectos definidos e un calendario de execución e avaliación de resultados.
A Deputada pola Mariña e Alcaldesa de Viveiro, María Loureiro, amosou o seu apoio aos traballadores e traballadoras e ás súas familias e aos postos de traballo que Vestas ten en Viveiro, pedindo unha “actuación urxente para defender o emprego dos máis dun cento de traballadores e traballadoras que o día 31 se van á rúa”. María Loureiro incidiu en que “a Xunta de Galicia, como responsable das competencias industriais, debe poñer sobre a mesa algún Plan de Industrialización para A Mariña que solvente os problemas que se están dando nesa zona e sobre todo en relación coas empresas alí instaladas”.
Nos últimos 12 anos, co PP na Xunta, o sector industrial galego perdeu arredor de 20.000 empregos co peche de grande empresas do sector industrial, e o seu peso no conxunto do PIB, que leva en caída moitos anos, redúcese a apenas un 16%. “Vestas recibiu varias axudas dende a chegada de Feijóo ao Goberno autonómico, pero non cumpriu cos obxectivos e tivo que reducirse a contía económica”, explicou a Deputada.
Loureiro destacou que “agora o Goberno autonómico presume dun investimento de 490M€ para a Consellería de Industria en 2022, e nós o que lles dicimos é que se poñan a traballar, garantindo o emprego na Mariña e dos traballadores de Vestas, poñendo en marcha un plan de reindustrialización na Mariña. A Xunta entregou en 2010, coa chegada de Feijóo ao Goberno, unha achega pero non cumpriu os obxectivos. O mesmo pasou en 2018, e tivo que virse reducida a achega económica establecida inicialmente”, explicou a Deputada.
A Xunta debe cumprir co que establece o Estatuto de Autonomía
“A Xunta terá que revisar o que está facendo. Vai sendo hora de que, despois de gobernar máis de 33 anos nesta autonomía, faga un Plan Industrial e execute o que o Estatuto galego establece. Está demostrando unha inutilidade absoluta no terreo industrial en Galicia e neste caso tamén na Mariña, na provincia de Lugo”, indicou a representante mariñá.
Con esta proposta, o grupo provincial do PSdeG quere que a Xunta cumpra coas competencias atribuídas no artigo 30 do Estatuto de Autonomía de Galicia e poña en marcha medidas que garantan o emprego, revisen a política de concesión de axudas para que se vinculen á permanencia do territorio e se leven a cabo mecanismos para recuperar as axudas concedidas en caso de que as empresas decidan marchar do territorio por estratexias globais alleas á marcha das instalacións.
Esixen tamén un plan de reindustrialización da Mariña que recolla accións concretas, orzamentos e calendario de execución. “Un plan que debería estar enfocado para que a zona acade a maior participación posible nos fondos Next Generation, e basearse no diálogo cos axentes sociais, o tecido produtivo, os sindicatos e os alcaldes e alcaldesas da zona”, asegurou María Loureiro.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
