Lugo, 4 de decembro de 2021. O Museo de Lugo organizou este sábado un acto para conmemorar os 80 anos desde a entrega a Julia Minguillón (Lugo 1906-1965)da medalla da Exposición Nacional de Belas Artes pola obra “A escola da Doloriñas” .
A homenaxe á pintora lucense tivo como protagonistas ás veciñas e veciños de Lourenzá que, da man da Asociación Patrimonio Laurentino, aproveitaron a data para achegarse ao Museo de Lugo e visitar a Sala Julia Minguillón onde se expón este óleo, a composición máis interesante e tamén a máis coñecida da pintora.
O deputado Efrén Castro e a directora do Museo de Lugo, Aurelia Balseiro, saudaron e deron a benvida ás persoas visitantes antes o itinerario guiado pola obra da autora.
Notas sobre a obra (Guía Grafica do Museo Provincial de Lugo)
“A Escola de Doloriñas”, pintado entre 1939 e 1941, representa a típica escola rural da época na que a mestra, Doloriflas, imparte clases a un grupo de nenos e nenas de diferentes idades nunha estancia de dimensións reducidas, na que a través dunha fiestra contamos cunha breve referencia espacial dos montes da Cazolga.
Julia Minguillón concibe unha composición en aspa, colocando aos nenos en grupos, que se poden inscribir en triángulos en torno á mestra, que está representada á dereita do cacho sentada diante dun velador sobre o que hai un libro aberto e unha vara. Está pintado desde un punto de vista alto aínda que achegando as figuras ao espectador.
Para conformar a escea a pintora elixe a 12 nenos de entre os 20 que asisten en realidade á escola de Vilapol e realiza apuntamentos de cada neno por separado que despois traslada ao cacho. Consigue así, por un lado, a máis bela das súas composicións pero ademais está desenvolvendo o seu xénero favorito, un retrato do natural de cada un dos personaxes.
A cor é parca e sutil, aplicada a base de suaves veladuras e a pincelada con moi pouca materia que deixa ao descuberto a táboa nalgunhas zonas, aproveitando as calidades da madeira
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
