Ribadeo, 14 de decembro de 2021. O Concello ten aberto o prazo de solicitude de subvencións por concorrencia competitiva para as asociacións culturais.
A concelleira de Cultura, Pilar Otero, dixo que “ao igual que outras áreas do Concello, tamén a Concellaría de Cultura abriu a posibilidade de, as entidades inscritas no rexistro de asociacións, solicitaren unha axuda para o financiamento de actividades culturais que organizasen neste 2021”.
Otero Cabarcos explicou que “estamos a falar das subvencións de concorrencia competitiva,pois tamén as hai nominativas, é dicir que o importe reservado neste caso (3.600 euros) se repartirá entre as que se presenten e segundo o baremo que figura nas bases. Esta información, que inclúe tamén os modelos a cubrir, atópase no taboleiro de anuncios da sede electrónica do Concello de Ribadeo. E tamén se pode solicitar na oficina de Cultura, na casa do Viejo Pancho”.
A edil ribadense indicou que “o anuncio no BOP publicouse o 7 de decembro e hai 15 días naturais para presentar a solicitude. Sabemos que as axudas mediante subvención posibilitan as programacións de actividades das diferentes entidades e con isto apóiase a interacción social e cultural da veciñanza. Por iso desde a Concellaría de Cultura estamos poñendo ao día as subvencións pendentes de anos anteriores que, por diversos motivos, se foran retrasando e de feito moitas asociacións veciñais e culturais xa foron vendo nestas últimas semanas como se foi ingresando cada un dos importes concedidos, sumando en total polo momento máis de 46.000 euros”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
