Lugo, 21 de decembro de 2021. O grupo provincial do PP intentou que o goberno da Deputación cumprise o compromiso adquirido no momento da toma de posesión e incrementase o importe do Plan Único nun 25%. Non era un capricho tal intento, porque van xa moitos meses nos que os prezos da enerxía e dos materiais de construción non deixaron de subir. Así as cousas, como explica o portavoz popular, Javier Castiñeira, “o goberno provincial levará ao pleno un Plan Único practicamente igual ao de 2020, o que significa que os concellos deberán asumir unha cuarta parte de obras menos que no ano pasado, debido aos altos custos enerxéticos e dos materiais de construción, que subiron entre un 25 e un 30%”. Dende A Mariña, acompañado dos alcaldes de Xove e de O Vicedo, así como do voceiro do PP en Viveiro, o portavoz popular denuncia “o dobre engano do señor Tomé e dos seus socios aos concellos aos que se debe”.
Castiñeira sinala: “Non é que non cumpran o seu compromiso de subir o 25% o Plan Único. O peor é que non contemplan neste novo Plan Único a perda de poder adquisitivo pola suba dos prezos dos materiais de construción e da enerxía, e conxelan este plan que é moi necesario para todos os concellos”.
O portavoz popular destaca que “15 millóns, aproximadamente, dos 21 que ten este plan van a obras municipais, polo que se aplicamos os prezos actuais, os concellos perden arredor de 4 millóns de euros en custear as política inflacionistas do señor Sánchez e a súa nefasta estratexia enerxética”. Explica: “Hoxe, como exemplo, visitamos unha planta de aglomerado asfáltico en Xove, probablemente o produto máis utilizado polos concellos, dentro do Plan Único, para arranxar as súas estradas. O aglomerado prodúcese con betume que custa practicamente tres veces máis que no 2020. Fabrícase con gas que custa case un 50% máis que no 2020 e con electricidade que custa un 25% máis. Aplícase con maquinaria que consume gasóleo, que está un 30% máis caro que no 2020. Polo tanto, é obvio que, cos mesmos cartos, os concellos van poder botar moito menos asfalto nas súas estradas”.
Castiñeira destaca que, pese a todo, “Tomé sigue vivindo no seu mundo de Yupi e probablemente lle dá igual o que pase no resto dos concellos, porque, se no seu non lle chegan os cartos, usa os da Deputación, como leva a facer nestes dous anos, pero os outros 66 alcaldes van ter que tirar de fondos municipais para sacar adiante o 2022, que se prevé tremendamente caro e custoso para todos os lucenses, pero tamén para todos os concellos da provincia”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
