Santiago, 30 de decembro de 2021. O deputado do Grupo Popular José Manuel Balseiro demandou hoxe no Parlamento galego que o Goberno de España promova accións dirixidas a frear a proposta da Comisión Europea para a modificación da Directiva sobre fiscalidade da enerxía que elimina as axudas aos combustibles do sector pesqueiro, namentres non haxa unha posición aprobada no seo da Organización Mundial do Comercio ao respecto destas bonificacións.
Balseiro incidiu que tanto a Xunta como o PPdeG “estamos en contra de que se pretenda poñer fin ao gasóleo bonificado, polo que utilizaremos todos medios de presión ao noso alcance para defender os intereses da frota pesqueira galega”.
EXEMPLO DE SUSTENTABILIDADE E PESCA LEGAL
Neste sentido, salientou que “a nosa frota está considerada exemplo de sustentabilidade e de pesca legal, regulada e declarada” e manifestou que eliminación destas exencións ao gasóleo pesqueiro sería unha ruína para moitas empresas, especialmente para a frota artesanal”.
“Non entendemos o cambio de opinión da Comisión Europea, que antes concordaba coa de Galicia; nin que o Goberno central se pregue a esa posición e faga seguidismo dunha posición negativa para a frota galega; nin tampouco concordamos coa cor verde radical que amosan algunhas formacións en Europa, nin do silencio dos seus socios en Galicia: o BNG”, sinalou.
Así, explicou que “son os verdes, o grupo parlamentario no que se integra o BNG en Europa, os impulsores desta navallada á frota galega”. En concreto, criticou que a portavoz do Grupo dos Verdes na Comisión de Pesca do Parlamento Europeo “está a recoller sinaturas e realiza todo tipo de presións para pedir o fin das bonificacións ao diésel ao sector da pesca”. “A radicalidade ambiental dos socios do BNG nesta cuestión está a prexudicar gravemente os intereses do sector pesqueiro galego”, indicou.
José Manuel Balseiro apuntou que “existen moitas alternativas para conseguir unhas condicións de competencia equitativa a nivel mundial, e podemos estudar fórmulas para igualar prezos para o gasóleo a nivel mundial, pero non a costa de lastrar aínda máis ao sector pesqueiro galego”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
