Lugo, 28 de decembro de 2021. O bigoberno provincial non demostra cariño ao Plan Único, un logro conseguido por iniciativa do PP. Tan pouco cariño lle ten que, para o 2022, o ano da recuperación, conxela o importe do Plan, que, dado o incremento dos prezos da enerxía e dos materiais de construción, supón unha rebaixa, e moi considerable, da aportación real aos concellos. Así o indica o portavoz popular, Javier Castiñeira, que sinala: “O Partido Popular de Lugo foi partícipe e creador do Plan Único e non vai ser cómplice da súa devaluación, unha devaluación que PSOE e BNG pretenden para o 2022, conxelándoo, en 21,5 millóns de euros, moi similar ao ano 2021, pero cunha diferencia moi grande, que é que a día de hoxe estamos cunha inflación moi grande e moi especialmente no capítulo de investimentos, porque os prezos subiron máis dun 25%”.
Castiñeira explica que “a enerxía subiu, case un 30% a luz e un 25% o gasóleo, e os produtos da construción tamén un 20%”. Engade que “polo tanto, os concellos con este Plan Único van poder facer un 25% menos de obra; non estamos de acordo, especialmente nun momento de recuperación”. O portavoz popular di que “cando os concellos necesitan máis apoio da Deputación de Lugo, esta institución o que fai é devaluar esas axudas e os concellos acaban perdendo poder adquisitivo”.
Os populares avisan de que non serán “cómplices desa situación e non van apoiar este Plan Único que entendemos que é insuficiente para a recuperación e que non axuda aos concellos a pasar este momento tan complexo cunha suba de prezos que está impedindo investimento e melloras nos nosos municipios; non é o Plan Único que necesitamos para o 2022”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
