Lugo, 27 de decembro de 2021. O grupo popular defenderá na sesión plenaria que celebrará mañá a Deputación unha moción para instar ao goberno provincial a financiar a creación dunha senda peonil entre a basílica de San Martiño de Mondoñedo (na parroquia de San Martiño de Foz), que é considerada a catedral máis antiga de España (declarada Ben de Interese cultural), e o castro das Engrobias, ou de Lelle, que está a 500 metros.
O portavoz popular, Javier Castiñeira, explica: “O que queremos é crear un conxunto histórico importante, non só para Foz, senón para toda A Mariña. Entendemos que a catedral e o castro están intimamente ligados historicamente nun núcleo de poboación que ten máis de dous mil anos de antigüidade. Hai que tratar de buscar sinerxías entre estes dous elementos históricos, moi representativos de Foz e de toda A Mariña”.
Castiñeira sinala: “No seu momento, cando o PP gobernaba no concello de Foz, xestionou a adquisición deses terreos para poñelos en valor. A súa vez, a Xunta de Galicia impulsou traballos de prospeccións arqueolóxicas, dentro do plan de catedrais, e cremos que debemos de seguir nesa liña de poñelo en valor”. Engade: “A Deputación de Lugo é a única administración que aínda non colaborou na posta en valor deste conxunto histórico; é o momento de que o faga financiando esa senda peonil, de valor cultural e histórico, e que será un dinamizador turístico da zona”.
Os populares lembran que a basílica de San Martiño chegou a recibir a máis de 27.000 persoas; despois das catedrais e co Fuciño do Porco é un dos puntos máis visitados de A Mariña. Consideran que con esta senda pode ser aínda moito más importante como atractivo turístico”.
Castiñeira espera “o apoio de todos os grupos, porque o custo non é moi elevado e os beneficios que dará a posta en valor deste conxunto histórico poden ser moi interesante para toda A Mariña”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
