Viveiro, 10 de decembro de 2021. Un ano máis, o goberno de Viveiro volve incorrer en mala praxe orzamentaria e todo indica que non terá aprobadas as súas grandes contas para o próximo exercicio antes de que remate o ano. Unha e outra vez ocorre o mesmo, como sinala o portavoz popular, Óscar Rodríguez, que, como cada ano, pon de relevo as malas consecuencias que esta demora ten para os intereses dos veciños. Os populares instan á alcaldesa, María Loureiro, a saír dunha vez da súa zona de confort e a poñerse a traballar para aprobar canto antes o orzamento para o próximo ano. Para ese traballo, o PP ofrece a súa colaboración leal, pero tamén, esixente, xa que, en palabras de Óscar Rodríguez, “as contas do 2022 non poden ser continuístas, porque teñen que ser as contas da recuperación económica”.
Os concelleiros populares tiñan a esperanza, sen máis fundamento que o desexo de que non se crearan problemas aos veciños, de que nesta ocasión o goberno presidido por María Loureiro sometería a aprobación o proxecto de orzamento para o 2022 antes de fin de ano. Non podían crer, di Rodríguez, que para un ano tan importante como será o que vén, o goberno municipal non cambiara o paso e, nun xesto de responsabilidade, intentara aprobar o orzamento antes de fin de ano. Pero todo indica que non vai ser así e outra vez e que, a pesar da conxuntura, Viveiro empezará o ano sen ter aprobadas e en vigor as súas grandes contas.
Óscar Rodríguez sinala: “O grupo popular ofrécese a colaborar para deseñar o orzamento que precisa Viveiro, para poñer a eficacia que lle falta ao goberno municipal para sacar adiante unhas contas que se adapten ao ano da recuperación que será o 2022”.
O portavoz popular tamén di: “Facemos este ofrecemento con ánimo de sumar, de aportar para resolver os problemas do municipio. E facémolo sabendo que nunca se nos deu a oportunidade de participar e sendo conscientes de que cando o PSOE fala de participación só vende fume. Pero facémolo con sinceridade e con rigor”.
En canto ao orzamento en si, os populares din que nesta ocasión ten que romper co continuísmo, “con esa especie de corta e pega que vén sendo o de cada ano con respecto ao anterior; esta vez ten que ser un orzamento para a recuperación”. Rodríguez asegura que é preciso ser orzamentariamente imaxinativos e, ademais, canalizar nas grandes contas as decisión tomadas no pleno ao fío das mocións aprobadas.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
