Ribadeo, 1 de decembro de 2021. No pleno ordinario celebrado onte no Concello de Ribadeo foi aprobada unha declaración institucional de apoio aos sectores lácteo e cárnico, debido ao momento crítico que están a vivir. E foi rexeitada unha moción do PP sobre o centro de saúde, que o alcalde, Fernando Suárez, cualificou como totalmente extemporánea e sen fundamento. O rexedor subliñou que “quedou de manifesto o interese, a vontade e o compromiso do goberno municipal para que Ribadeo poida contar cun novo centro de saúde, no caso de que a Xunta non considere tecnicamente posible remodelar e actualizar o existente”.
Suárez Barcia dixo que “foi un completo pleno ordinario, onde saíron adiante unha serie de propostas interesantes para Ribadeo: desde a aprobación da conta xeral do exercicio anterior; a modificación da ordenanza de terrazas para adaptala aos novos tempos e abaratala; unha transferencia de crédito para completar o necesario para levar a cabo a construción das pistas multideporte para a xuventude; o incremento no IPC das tarifas da piscina, da auga e do saneamento, tal e como está na norma; a solicitude dun novo proxecto europeo Life para a adquisición de terreos costeiros nas parroquias da Devesa, Vilaframil e Rinlo para diferentes actuacións medio ambientais, etcétera”.
O alcalde subliñou que “tamén acordamos entre todos os grupos a aprobación dunha declaración institucional de apoio aos sectores lácteo e cárnico galego e de Ribadeo en particular, debido ao momento crítico que están a vivir polo aumento dos insumos e pola pouca repercusión no prezo que a eles lles pagan. Por iso acordamos dirixirnos á Xunta para poña a andar un foro de encontro con todos os actores nesta cadea. E tamén dirixirnos ao Goberno do Estado para que desenvolva de vez a Lei da Cadea Alimentaria”.
O rexedor referiuse ao capítulo de mocións: “logo en canto a esa moción do PP relativa ao centro de saúde, totalmente extemporánea e sen fundamento, pois pedía que fixeramos precisamente o que xa levamos semanas facendo, desde que recibimos formalmente a comunicación do conselleiro de Sanidade, polo que non llela puidemos aprobar. Quedou de manifesto o interese, a vontade e o compromiso do goberno municipal para que Ribadeo poida contar cun novo centro de saúde, no caso de que a Xunta non considere tecnicamente posible remodelar e actualizar o existente. De feito xa lle comunicamos formalmente a nosa boa disposición ao conselleiro de Sanidade hai 20 días e actualmente estamos agardando, tal e como el suxeriu, a que veñan os técnicos de Sanidade a xuntarse cos nosos técnicos municipais para avaliar que posibilidades reais e lóxicas pode haber na vila de Ribadeo, para que, de acordo co vixente Plan Xeral de Ordenación Municipal, o Concello poida entregar os terreos que a Xunta demanda”.
Suárez Barcia dixo que “en todo este proceso ofrecemos dilixencia, transparencia e compromiso, pois as xestións urbanísticas poden ser complexas e laboriosas, ademais de levar tempo. Pero loxicamente queremos esixir certeza, realidades e que todo isto non sexa fume. De feito nos orzamentos da Xunta do ano que vén non hai consignado un céntimo de euro para o posible novo Centro de Saúde de Ribadeo. Con todo, e independentemente disto, esixímoslle a Xunta que ten que recuperar o número de profesionais que actualmente atenden á nosa poboación de 10.000 habitantes, e que son totalmente insuficientes, e á vista están os colapsos, as demoras, as boas atencións que merece a cidadanía que non se dan, pero non porque alí haxa malos profesionais senón porque hai agora menos que había hai 10 anos e isto non pode ser”.
E engadiu: “e logo en canto a rogos e preguntas, coma sempre, aceptamos aqueles lóxicos, construtivos e honestos que nos fai a oposición e rexeitamos aqueloutros que non poden ser viables ou que son manifestamente demagóxicos”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
