Viveiro, 17 de decembro de 2021. O Concello de Viveiro leva varios meses realizando diferentes iniciativas encamiñadas a converter Viveiro nunha cidade amiga da infancia recoñecida por UNICEF.
No Concello de Viveiro nace en setembro de 2021 o Grupo de Participación Adolescente: “Participación Viveiro Xove” (P.V.X). Un espazo no que as e os adolescentes séntense escoitadas/os e seguras/os, onde poder expor libremente as súas ideas, opinións e propostas.
Este grupo representa a unión e responsabilidade da xuventude por e para o seu Municipio. O seu obxectivo fundamental féacer de Viveiro xunto co labor do Concello, unha Cidade Amiga da Infancia, recoñecida por Unicef. Por todo isto, o Concello de Viveiro anima á mocidade entre 12 e 18 anos a sumarse nesta fermosa iniciativa.
O Concello de Viveiro impulsou a creación deste Grupo de Participación Adolescente coa colaboración da Asociación “Branque”, a cal se atopa involucrada no desenvolvemento deste proxecto tan interesante para a comarca. Alejandro Ramos Rodríguez, como membro da asociación e responsable desta iniciativa impartiu varios obradoiros de promoción, os días 16 e 17 de setembro, no IES María Sarmiento, centro educativo actualmente representado neste grupo por seis rapazas e catro rapaces de 3º e 4º da ESO. Tras contactar tamén co IES Vilar Ponte, incorporáronse na sesión do martes 14 de decembro dúas rapazas que cursan actualmente 1º de bacharelato neste instituto. Neste dispositivo, realizaranse os vindeiros obradoiros de promoción o 14 de xaneiro de 2022, coa finalidade de incrementar a representatividade do Grupo de Participación Adolescente enriquecendo deste xeito as súas aportacións.
Tras tres sesións de traballo, o grupo xa ten creado o seu logotipo e decálogo de traballo baseado nos valores máis importantes para eles: o respecto mutuo, a democracia, a empatía, a igualdade, a inclusión, a diversidade, a solidariedade, a actitude positiva, o humor, a creatividade, a saúde emocional, a responsabilidade, o compromiso, a cooperación, a colectividade e a sinceridade.
Asemade, os menores propuxeron ao Concello ideas que se terán en conta na elaboración das programacións culturais. En primeiro lugar, a creación dun “Scape Room” dos dereitos da infancia durante o Entroido. Por outra banda, a decoración de espazos de Viveiro con lazos violetas con mensaxes feministas polo #8M, Día Internacional da Muller. Asemade, levaron a cabo unha análise DAFO de Viveiro, segundo a súa opinión.
A información obtida foi trasladada á Concelleira de Benestar Social, Victoria Baamonde Gómez, a cal unha vez avaliada servirá para a elaboración do Plan de Infancia da vila, e, igualmente, para que o resto de concelleiros que conforman a Equipa de Goberno poidan reforzar as fortalezas detectadas polos adolescentes, tratar de reducir as debilidades e por último, valorar as posibles oportunidades.
O mércores 24 de novembro a concelleira de Benestar Social mantivo unha reunión telemática con Marta Andrade Blanco, Responsable de Sensibilización e Políticas de Infancia de Unicef Galicia.
“Durante a mesma clarificáronse os pasos a seguir para converter a Viveiro nunha das primeiras cidades Amigas da Infancia da nosa provincia. Para lograr este obxectivo constituiremos un Consello de Participación Xuvenil e unha mesa de coordinación interna, como espazo de diálogo e traballo conxunto a nivel de Concello. Coa colaboración tanto do Grupo de Participación Adolescente como de técnicos, representantes políticos e profesionais do noso Concello elaboraremos un diagnóstico da situación do noso pobo, realizando un análise pormenorizado das necesidades dos nenos, nenas e adolescente, como elemento sobre o que sustentar o noso futuro Plan de Infancia”, subliña Victoria Baamonde Gómez, concelleira de Benestar Social de Viveiro.
Por último, no marco do convenio de colaboración asinado entre UNICEF Galicia, a Consellería de Política Social e a FEGAMP, Lorena Mera, técnica de xuventude do Concello de Viveiro participou nas IX xornadas formativas da iniciativa Cidades Amigas da Infancia en Galicia baixo o título “Estratexias para a promoción da Participación Infantil e Adolescente no ámbito local”. Estas xornadas tiveron lugar os días 14 e 15 de decembro en liña co obxectivo de dotar aos municipios dos coñecementos e ferramentas necesarias para promover o cumprimento do dereito á participación dos nenos, nenas e adolescentes das súas localidades, dando conta de diferentes experiencias e iniciativas no eido local, de participación infantil e xuvenil, en varios concellos de Galicia, Asturias e Cataluña.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
