Ribadeo, 8 de xaneiro de 2022. O Camiño Norte de Santiago está a piques de recuperar o albergue de peregrinos do Cargadeiro de Ribadeo, unha vez rematen as obras de mellora que se están a acometer por parte da Xunta de Galicia, a través da Vicepresidencia Primeira e Consellería de Presidencia, Xustiza e Turismo, e que contan cun orzamento de máis de 48.000 euros, con cargo ao Xacobeo.
A situación do albergue, nun enclave privilexiado con vistas á ría de Ribadeo, implica moitos problemas de filtracións e humidades que estas obras están a solucionar, tanto na cuberta como nas fiestras, ademais doutras reparacións na fachada principal, nos radiadores e no tanque de gasoil.
Outra das actuacións importantes supuxo a instalación de baños para persoas con mobilidade reducida, con botón de emerxencia, asento abatible, peche previsto de desbloqueo exterior e barras de seguridade. Nos aseos tamén substituíronse os falsos teitos e colocáronse novos cristais de separación nas duchas, mentres que no dormitorio realizouse o tratamento de madeira nas fiestras. As obras complétanse co pintado do interior e coa mellora da instalación eléctrica xunto coa revisión e limpeza do cadro de instalacións.
Esta reforma está integrada no Plan de obras e melloras dos albergues da rede pública no Camiño de Santiago, ao que a Xunta de Galicia destinou o ano pasado 2,4 millóns de euros, para traballos en infraestruturas de acollidas dos sete itinerarios da ruta Xacobea.
O delegado da Xunta en Lugo, Javier Arias, visitou as obras de reforma e acondicionamento deste albergue, que están a piques de rematar, e chamou a atención sobre a importancia de recuperar esta infraestrutura, construída en 1999, de cara a potenciar o actual Ano Santo e, de xeito particular, o Camiño Norte. Ademais, a reforma deste albergue suporá un revulsivo para Ribadeo e para que esta vila conte con máis servizos públicos de cara a impulsar o seu recoñecemento como a porta de entrada a Galicia no Camiño Norte.
A actuación no albergue de Ribadeo se suma a outras acometidas noutros inmobles do Camiño Norte, como as melloras no de Gontán (Abadín), Lourenzá e Mondoñedo. Na provincia de Lugo tamén están integrados neste plan de melloras o albergue de Palas de Rei, onde se acometeu unha reforma integral, ao que se suman as actuacións doutros inmobles situados no Camiño Francés, como os albergues de Sarria; Airexe-Ligonde de Monterroso; Triacastela; e Mato-Casanova, de Palas de Rei.
Pola súa banda, no Camiño Primitivo, leváronse a cabo reformas e reparacións nos albergues de peregrinos da Fonsagrada; Lugo; As Seixas (Palas de Rei); San Román da Retorta (Lugo) e no de Guntín.
O voceiro do Grupo Municipal Popular de Ribadeo, Daniel Vega, pon en valor “esta mellora que os veciños considerabamos necesaria” para “modernizar os dormitorios, cambiar por completo a cociña, mellorar os baños e a zona de descanso e tamén era urxente construír un baño para persoas con mobilidade reducida”.
O popular explica que “Ribadeo é a porta de entrada do Camiño Norte na nosa comunidade e este albergue dá a benvida aos peregrinos en Galicia”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
