Burela, 21 de xaneiro de 2022. O PP de Burela, a través do seu voceiro, Manuel Rouco, amosa a súa satisfacción pola decisión da SAREB de prorrogar o contrato ata 2029 ás 16 familias afectadas e engade que se isto foi posible, foi grazas “ao compromiso do IGVS, dependente da Xunta de Galicia, e ás negociacións do PP”. Para o popular, esta decisión pon en valor que o traballo levado a cabo polo Grupo Municipal do PP “deu o seus froitos”. De feito, indica: “este é obxectivo co que traballamos, que é que ningún veciño quedase desamparado”.
A este respecto, lamenta que o alcalde “quixese facer política de confrontación” cun asunto de “máxima sensibilidade” para estas familias, e que outros Partidos “tamén quixesen sumarse ao carro nos últimos días”.
“Dende logo a solución non veu polos gobernos do PSOE, senón pola Xunta de Galicia que, unha vez máis, demostra estar ao lado do bureleses e pola ofensiva levada a cabo polo Partido Popular, que tamén foi decisiva para o anuncio de hoxe”, afirma. Neste senso, lembra que, ademais do Grupo Municipal, o Grupo Parlamentario presentou recentemente unha iniciativa para que o Executivo de España evitase esta situación, defendendo así ás familias ameazadas de desaloxo.
“A irresponsabilidade do Goberno”, tamén no Senado
A SAREB é unha sociedade anónima na que o Estado ostenta o 45,9% do capital, polo que é o Estado o que ten toda a información e capacidade para poder intervir, mediar e resolver de forma satisfactoria estas cuestións. Sen embargo, no caso concreto de Burela o Executivo de Pedro Sánche púxose totalmente de perfil. “O seu desentendemento respecto deste asunto foi claro”, critica Rouco.
Por este motivo, os senadores lucenses -José Manuel Barreiro, Rosa Arza, Manuel Varela e Juan Serrano- demandarán ao Goberno na Cámara Alta que explique os motivos polo que “eludiu a súa responsabilidade, abandonando con elo ás 16 familias que están a sufrir unha situación tan delicada e complicada”. Neste senso, Rosa Arza adianta que “esixiremos unha explicación” e “farémolo porque non se entende que estean desaloxando aos inquilinos de vivenda cualificadas como de protección autonómica para alugar durante os próximos 25 anos”.
“É totalmente incoherente que o Goberno de España impulse unha nova Lei de vivenda, mentras que logo participa en accións especulativas como a que se plantexaba en Burela”, remarca a senadora.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
