O PP de Ribadeo está a desenvolver una intensa campaña de comunicados e propostas, a cada cal máis estentórea, pero tamén máis oca. Un exemplo claro témolo na proposta de construción dun novo centro de saúde. Sendo certo que Ribadeo precisa dun centro de saúde máis propio destes tempos, o principal problema é que o actual está infrautilizado, pois non se dota de todo o persoal necesario para prestar os servizos que nel se deberían ofrecer (e mesmo non se cobren as baixas laborais). Para ocultar esta situación, o grupo municipal do PP proponnos a construción dun novo centro de saúde máis amplo, con máis salas técnicas, para docencia, polivalentes, para atención á muller, de hixiene dental, coordinación, sala de estar de persoal… Faltoulle presumir tamén de que vai ter varios recibidores. En fin! Pura aparencia chea de grandilocuencia para esquecer a cuestión que nestes momentos máis nos aprema: máis persoal, e en mellores condicións laborais. Pero co goberno do señor Feijóo, que relixiosamente apoia o señor Daniel Vega, para o persoal sanitario (e o de todos os servizos públicos) cada vez hai menos recursos.
Todas e todos nós temos padecido esa falta de persoal nos últimos tempos, tendo que agardar días e días por consultas en medicina de familia (moi saturada), ou acudir a un especialista. É ben curioso que o grupo municipal do PP prometa unha sala técnica para ecografías, espirometrías, dermatoloxía ou cirurxía menor, cando a que hai actualmente no Hospital da Mariña só atende dous días á semana. Ve o grupo municipal do PP de Ribadeo como semellan promesas ocas?! Ou é que nos queren facer crer que Ribadeo vai ser a repanocha mundial en instalacións sanitarias cando o goberno da Xunta nin sequera é quen de garantir que ese servizo funcione axeitadamente para toda a Mariña? Non se pode confundir atención sanitaria con infraestruturas. Estas últimas fan falta para poder atender á xente. Pero instalacións sen persoal son coma un autobús sen chofer. Queren desviar a atención cara a promesas futuras sen atender debidamente o actual centro de saúde. Ou acaso non vemos que, aínda con teren ampliado o Hospital da Mariña, temos que ir cada vez máis veces a Lugo, ao HULA?
Se nos fixarmos nos orzamentos da Xunta veremos que non hai neles nin un só euro destinado a ese futuro centro de saúde. Non se decatan, señoras e señor concelleiros do PP, de que pode pasar o mesmo que ocorreu coa residencia da terceira idade, co arranxo do campo de fútbol, ou coa estrada dos Garitos? Por toda Galiza vemos como aumentan as protestas polo desmantelamento da sanidade pública, para a que os orzamentos deste ano diminúen en 2 millóns de euros. Cada vez hai menos recursos. E a cincenta desta situación de recorte xeral está a ser a atención primaria, que nestes momentos de pandemia, aínda empeora máis, chegando ao colapso.
Ante esta situación, o goberno municipal do BNG está a adoptar, como sempre fixo, unha actitude construtiva. Calquera oportunidade que poida traer consigo a posibilidade de mellorar o noso benestar, veña de onde veña esa achega, alí estará para buscar a maneira de sacar adiante calquera idea que poida supoñer melloras para a veciñanza ribadense. Velaí están as cinco propostas de posíbel ubicación dese novo centro de saúde. Agardamos da Xunta de Galicia esa mesma actitude construtiva. Iso si: non podemos esquecer que, canda as infraestruturas ten que vir o persoal encargado de lles dar vida. Persoal que demandamos xa para o actual centro de saúde, con independencia de calquera proxecto futuro que se poida poñer en marcha.
Dores Fernández Abel
Responsábel local do BNG de Ribadeo
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
