A Mariña, venres 28 xaneiro 2022. O Bloque Nacionalista Galego está a desenvolver unha campaña explicativa a respecto da súa posición en relación coa non derrogación da reforma laboral por parte do Psoe e de Unidas Podemos que preven a proposta de convalidación do Real Decreto Lei da Reforma Laboral (RD/lei 32/2021) para o vindeiro 3 de febreiro.
Baixo o lema “En defensa das traballadoras e traballadores. Que non rouben os nosos dereitos”, o Bng mariñao iniciou no día de hoxe esta campaña en Burela e Viveiro co reparto de folletos informativos e convidando a asistir á concentración que a CIG convoca para este domingo día 30 na Praza do Concello en Viveiro.
Desde o Bng afirman que o goberno de Psoe e Unidas Podemos non derroga a Reforma Laboral do PP de 2012, senón que consolida os aspectos mais lesivos da mesma, como as facilidades para o despedimento e o seu abaratamento, a eliminación da autorizacion administrativa para os despedimentos colectivos (EREs), a prevalencia dos convenios estatais sobre os provinciais ou galegos….entre outras medidas lesivas e perxudiciais para traballadoras e traballadores.
O BNG defende a derrogación íntegra da Reforma Laboral do PP de 2012
Desde o Bng destacan a necesidade da derrogación íntegra da Reforma laboral do PP para reverter e evitar as facilidades para o despedimento e recuperar a idemnización de 45 días, e para garantir que as modalidades de contratación sirvan para unha verdadeira erradicación da temporalidade e a precariedade, algo que na proposta de Psoe e Up non se contempla, pois prefiren someterse ás directrices da Unión Europea (que esixirá manter a reforma do PP para liberar os fondos Next Generation) e aos intereses das grandes empresas en vez de cumplir coas traballadoras e traballadores.
Recuperar a autorización administrativa previa por parte da autoridade laboral nos despedimentos colectivos (EREs) para que a administracion poida actuar e evitar casos como o de Vestas en Viveiro
O responsable comarcal do BNG Antonio Veiga fixo fincapé neste punto sinalando que a autorización administrativa previa por parte da autoridade laboral daría capacidade á administración para actuar no caso de despedimentos colectivos non xustificables por causas obxectivas ou fronte a intentos de deslocalización por parte das empresas, “algo que na Mariña desgrazadamente coñecemos ben, tal como foi o caso de Vestas en Viveiro, e non podemos permitir que esta situación volva a repetirse noutras empresas, polo que é necesaria a derrogacion íntegra da Reforma Laboral do PP de 2012 para recuperar a autorización administrativa previa”, afirmou.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
