Ribadeo, 20 de xaneiro de 2022. O alcalde, Fernando Suárez, e o concelleiro de Economía, Pablo Vizoso, mantiveron esta mañá en Madrid unha xuntanza co director xeral de Sepes, para darlle un impulso ao polígono industrial ribadense. O rexedor cualificou o encontro de agradable, prometedor e ilusionante. E subliñou que hai unha vontade firme de Sepes para facer unha revisión á baixa dos prezos dunha serie de parcelas co obxectivo de darlles saída, agora que a economía se empeza a mover.
O alcalde dixo que “esta xuntanza que acabamos de ter foi moi agradable, moi prometedora e moi ilusionante. Tivemos un encontro co director xeral de SEPES e co seu equipo, entre os que estaban o director comercial e o director xurídico, para darlle un impulso pendente ao polígono industrial de Ribadeo, que é un parque empresarial moi ben situado, con todos os servizos e de primeira calidade, pero ten un eiva importante: uns prezos de mercado actuais que non son todo o atractivos que deberían”.
Suárez Barcia explicou que “plantexamos todo isto e desde logo vemos a vontade firme para darlle un cambio importante a curto prazo. De feito comprometéronse a facer unha revisión á baixa dos prezos dunha serie de parcelas para poder darlles saída, agora que precisamente a economía parece que se empeza a mover e hai unha serie de liñas de axuda importantes para que novas iniciativas económicas poidan crearse. E queremos que o parque empresarial de Ribadeo sexa un aliciente para que se monten novas iniciativas económicas”.
O alcalde de Ribadeo engadiu que “debemos agardar uns días a que no consello de administración de SEPES, que é a entidade pública propietaria do solo industrial, se aproben estes cambios. E oxalá que dentro de poucos días poidamos dicir que este foi un bo día para Ribadeo”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
