Lugo, a 31 de xaneiro de 2022. Na Deputación de Lugo faise bo o vello dito que asegura que, “na casa do ferreiro, coitelo de pau”. Nunha institución que ten por presidente a un ex sindicalista, como é José Tomé, abundan as queixas entre os traballadores da institución. O portavoz popular, Javier Castiñeira, destaca que na Deputación hai “varias frontes abertas, como son sentencias desfavorables á institución, o uso abusivo de Tragsa e o trato discriminatorio e partidista”, que están marcando a nefasta relación de Tomé cos traballadores”.
Os populares din que na Deputación “arrancamos o 2022 no mesmo sentido que se desenvolveron estes dous anos de goberno do Partido Socialista e do BNG”. Castiñeira explica: “Estamos preocupados porque recibimos queixas dende diferentes ámbitos do colectivo de traballadores que nos indican que o goberno provincial non está na senda correcta; aínda máis cando temos constancia de que lles está chegando sentenzas como a dos bombeiros de Vilalba que dan a razón aos traballadores ante o permanente abuso de poder do señor Tomé, que parece que esqueceu o seu pasado sindical”.
En canto a Tragsa, empresa pública do Estado, no PP destacan que os socialistas antes a tildaban de chiringuito e agora “sigue asumindo a xestión de persoal e servizos que entendemos que son básicos e que debían estar, non en mans alleas á Deputación, senón xestionadas directamente polo ente provincial”. O portavoz popular cita “o persoal de limpeza, de xardineiría, a xestión dos catamaráns; este tipo de contratos resólvense con prórrogas millonarias a favor de Tragsa sen pasar polo concurso público, unha fórmula na que os máis prexudicados poden ser os propios traballadores”. É, di Castiñeira, “unha práctica que ademais de tramposa e incoherente co que presumen e pregoan PSOE e o BNG”.
Socialistas e nacionalistas, di o portavoz popular, “sempre critican a externalización de servizos cando están na oposición, pero cando están no goberno son os que máis usan esta práctica”. Destaca que aínda hai outra práctica máis perigosa dos partidos que gobernan na Deputación, “que é a de preocuparse por deixar en postos de traballo da institución a aduladores que teñen dubidosos méritos profesionais e que en ocasións o único que teñen é o respaldo partidista do equipo de goberno”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
