Lugo, 22 de febreiro de 2022. O delegado territorial da Xunta en Lugo, Javier Arias, mantivo hoxe unha reunión con responsables da Asociación Provincial de Empresarios de Hostalería e Turismo de Lugo (Apehl) para informar da nova convocatoria de axudas aos negocios do ocio nocturno, que vén de publicarse no Diario Oficial de Galicia (DOG) e ten aberto o prazo de solicitude ata o 15 de marzo.
Arias reuniuse co presidente da Apehl, Cheché Real, e co representante das empresas de lecer nocturno na entidade, Juan Agra, para falar da situación que atravesan os establecementos do ramo na provincia e abordar os detalles da nova liña de apoios, que contempla achegas de entre 2.500 e 45.000 euros en función das dimensións dos locais.
Terán dereito ás axudas os negocios que comunicaran previamente á Xunta a súa decisión de pechar entre as 00.00 horas do día 31 de decembro de 2021 e as 03.00 horas do día 3 de xaneiro de 2022, conforme ao establecido pola Consellería de Sanidade ante a alta incidencia da Covid-19 rexistrada nesas datas.
As contías están establecidas en 2.500 euros se os establecementos teñen menos de 100 metros cadrados; 5.500 euros para os que teñan entre 100 e 250 metros cadrados; 9.000 euros para os de 250 a 500; 14.000 nos que conten cunha superficie entre 500 e 700 metros cadrados; 27.000 euros naqueles que teñan de 700 a 2.000; e 45.000 euros para os grandes establecementos, con máis de 2.000 metros cadrados.
As axudas foron acordadas co sector e poden solicitalas discotecas, pubs, cafés-espectáculo e salas de festas e de concertos. A concesión realízase pola comprobación da concorrencia na persoa ou entidade solicitante dos requisitos establecidos ata o esgotamento do crédito orzamentario.
Arias tamén lembrou o apoio á hostalería a través dos plans de rescate e outras axudas específicas postas en marcha pola Xunta para facer fronte situación xerada pola covid-19. En concreto, remarcou que o 90% dos establecementos de hostalaría da provincia de Lugo, nove de cada dez, recibiron 4.834 axudas directas nos dous primeiros plans de rescate artellados pola Xunta, o que supuxo un investimento de 11,2 millóns de euros.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
