O Valadouro, 24 de febreiro de 2022. O Grupo Municipal de O Valadouro expresou no pleno extraordinario celebrado no día de onte “o seu total rexeitamento” o proxecto da hidroeléctrica proxectada na zona polo Ministerio de Transición e Reto Demográfico, defendendo así os intereses dos afectados.
Neste senso, os populares lamentan a postura de Edmundo Maseda, “xa que máis que o alcalde parece o representante da empresa”. Como exemplo, destaca José Manuel Lamela, o voceiro do PP neste municipio, é que o rexedor socialista “non foi quen” de presentar ningunha alegación á actuación prevista. O prazo fixado para facelo era de 20 días, sendo onte, día 23, o último para presentalas, pero Maseda confirmou na sesión plenaria, convocada a instancia dos populares para dar conta da envergadura da iniciativa, que dende o Concello non se rexistrou ningún tipo de alegato.
“Estamos decepcionados”, indica Lamela, “como así o teñen que estar os veciños”. Con todo, advirte “non nos estraña, pois na reunión convocada cos afectados, a actitude do alcalde foi tan lamentable, que ata chegou a faltarlle ao respecto a algún dos asistentes”.
“Non se fían” dos anuncios do alcalde
Dende o PP “tampouco se fían” da información facilitada polo socialista no día de onte. Concretamente, o rexedor anunciou que recibira unha comunicación na que se modificaría a potencia da infraestrutura, baixando dos 936 MW aos 270. “Isto é o que se nos dixo, pero non lle podemos dar demasiada credibilidade debido á forma de comunicalo. O único que sabemos é isto; nós non vimos nada, nin tampouco temos constancia que sexa algo oficial”, insiste o voceiro popular.
“En xogo o futuro de moitas familias”
Por todo elo, José Manuel Lamela volta a dirixirse ao goberno local e pídelle que “vele polos intereses dos afectados que, a día de hoxe, aínda non saben como lles vai afectar a hidroeléctrica. Este non é un asunto menor, pois está en xogo o futuro e o medio de vida de moitas familias”, destaca.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
