O equipo de goberno do BNG, non deixa de sorprender. Agora parece que non lles gusta que falemos do estadio Pepe Barrera nin moito menos que se publiquen fotos do seu estado.
Home! Non fai tanto que vostedes mesmos non eran cansos de publicar as melloras neste estadio de paso que facían referencia á “pírrica” aportación da Xunta de Galicia. Nós, como de costume, non damos importancia aos insultos porque despois de todo, e como din os nosos maiores “as cousas hai que tomalas de quen veñen”, e neste caso, como en outros moitos, é decepcionante , pero sabíamos que esa inversión só ía ser iso: “inversión do momento para a foto”, posto que como sempre, o mantemento ía ser pouco ou nulo, e dende logo, non ía estar á altura das circunstancias nin das necesidades do campo.
Iso de ir o “concelleiro de turno” pasearse na segadora polo Pepe Barrera para arriba e para abaixo para vender, non sabemos moi ben o que, xa non vale, señores do BNG. Este campo require traballo de profesionais e saber o que se fai. O Pepe Barrera xa se ve como o teñen! Porque o Pepe Barrera non está así porque si, Sr. Suárez! O Pepe Barrera téñeno así vostedes! Claro, entre a necesidade de profesionais, e a falta de comunicación entre os concelleiros saíntes e entrantes, ao mellor tampouco houbo traspaso do “chaveiro oficial”.
Non sei se lles parece ben; pero xa que estamos, podemos falar do campo de entrenamento de A Devesa… onde “entrena” o Ribadeo F.C. e a S. D. Ribadeo… Dáse conta de cal lle decimos? Nese que a semana pasada quedaron tres vehículos enterrados pasando o pisón. Deben de saber, porque un deles, era do Concello. Din que un veciño o tivo que ir sacar… En can fraco, todas son pulgas, non si, sres. do goberno?
Outro lameiro máis, para a colección dos “lameiros do Sr. Suárez”. Mira que na vila xa non temos poucos! Pois agora os xogadores teñen que entrenar na lama, en charqueiros e en fochancas…. Vamos, moi apropiado para os tempos que corren! Como se pode presumir de Ribadeo e ser o maior enemigo á mesma vez?
Vostedes son moi afeccionados en invertir en donuts e pipas, aínda que visto o visto, van ter que comenzar a invertir en bicarbonato, para iso dos “ardores”. Sr. Súarez, aclárese. Xunta si ou Xunta non? Deixe de coaccionar ás entidades, que poidan libremente acollerse ás subvencións ou colaboracións coas que poidan financiarse, veñan de onde veñan.
A xente non é fata, xa llo dixemos moitas veces!!! Vostede asigna unhas subvencións que paga cando lle peta e, por riba, “prohibe” con mentiras que poidan recibir subvencións ou axudas doutras administracións. Iso é para o que vostede quere as entidades!! Para que lle fagan o traballo, porque a maioría das actividades que se fan en Ribadeo están organizadas polas entidades asociativas, e en moitos casos, aínda lles pon paos nas rodas.
Con insultos, mentiras e enganos, non se revolven os desaguisados que teñen montados. Póñanse a traballar, que é a maneira máis doada de ter todo en orde.
Como vostede sempre di Sr. Suárez: é o alcalde de todos. Pois demóstreo e poña ó seu goberno a traballar. Pero a traballar en serio, Sr. Suárez. Non tirar area nun campo que custou preto de 500.000 €, coma quen tira area nun galiñeiro, e logo saír dicindo unhas incoherencias sen sentido, insultando e menospreciando o traballo dos demais; síntoma inequívoco de que se está intentando tapar unha falta de traballo.
En fin Sr. Suárez, siga insultando a uns, e coaccionando a outros, que nós seguiremos ao carón dos veciños e veciñas de Ribadeo.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
