Alfoz, 10 de febreiro de 2022. Por medio do presente comunicado, desde VIA Alfoz queremos mostrar cautela e sosego ante informacións difundidas nas últimas datas respecto ao anteproxecto da Central Hidroeléctrica Reversible Xistral (CHR Xistral), a diferencia doutros partidos, que pretenden facer política con este asunto no canto de defender os intereses do noso concello e da súa veciñanza.
Antes de adoptar unha postura, estivemos analizando o anteproxecto, escoitanto á xente afectada (tanto directos, polo infortunio de tocarlle nas súas propiedades, como indirectos, xa que aí entramos o resto da veciñanza de Alfoz). Así, desde VIA Alfoz, consideramos que tal e como está estruturado e redactado o anteproxecto carece de información suficiente sobre as previsións reais de emprego, as consecuencias dun desmantelamento no caso de cesar a actividade, a afección no traballo dos residentes do concello, ou sobre a perturbación que sufriría o noso río, clima, terreos… entre outras cousas, sen entrar en tecnicismos. A opinión de VIA Alfoz é, polo tanto, DESFAVORABLE a calquera instalación que vaia en contra dos intereses de Alfoz e da súa veciñanza.
Coñecedores de que o Grupo Atalaya Generación ten intención de celebrar unha conferencia telemática cos Alcaldes dos concellos afectados, desde VIA Alfoz consideramos que o Goberno Municipal debe difundir coa maior transparencia a información que o Grupo Atalaya Generación transmita na citada reunión.
Así, o Grupo Municipal de VIA Alfoz, vén de presentar unha solicitude para que os voceiros dos grupos da oposición poidan formar parte desa conferencia telemática, como garante de que a información compartida nesta reunión se transmita con transparencia á veciñanza no acto informativo programado para o vindeiro 16 de febreiro polo Concello de Alfoz.
Desde VIA Alfoz estamos sorprendidos non só pola pasividade do goberno local do PSOE e do seu alcalde Jorge Val, ante a falta de información e transparencia cara a veciñanza, se non tamén da aptitude do PP de Alfoz, interesado en solicitar, para tratar este tema, a celebración dunha xunta de portavoces, figura que non existe no noso concello, ou dun Pleno extraordinario monográfico, que consideramos innecesario neste momento, posto que xa hai programado un acto informativo para o vindeiro 16 de febreiro.
En VIA Alfoz entendemos que a nosa misión é asegurarse de que a información chega á poboación de xeito verdadeiro e fiable, sen partidismos.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
