Viveiro, 30 de marzo de 2022. A alcaldesa de Viveiro, María Loureiro, asistiu hoxe no IES María Sarmiento á presentación do proxecto ‘Diario Sarmiento’, un acto no que tamén estivo María Carmen Gueimunde, responsable da Xefatura Provincial de Lugo da Consellería de Cultura, Educación y Universidade da Xunta de Galicia.
No curso 2020-2021, o grupo de traballo Peripatéticos Viveirenses do centro resultaba gañador a nivel nacional do programa Youth4Good, presentando unha ferramenta tecnolóxica como solución ao reto do bullying nos centros escolares.
O premio alcanzado supoñía 5.000 euros para facer realidade o proxecto. O grupo gañador remataba xusto ese curso os seus estudos no centro, co que se facía preciso que outro alumnado asumise o relevo e retomase o proxecto para darlle continuidade.
Os colectivos encargados de continuar coa iniciativa foron Las Grandiosas Tigresas Barbudas (LGTB) e O Alumnado Axudante (AAA), coa coordinación dos mestres Alicia Yáñez e Francisco Basanta.
“Quero agradecer o traballo e a implicación do conxunto da comunidade educativa, das profesoras, profesores e do equipo directivo do IES María Sarmiento, que comparten a filosofía desta e outras iniciativas e traballan moi duro cada día para educar aos nosos fillos e fillas”, afirma a alcaldesa.
“Grazas tamén á Fundación colaboradora, a Lucas Requejo, sempre disposto a colaborar co noso concello en diferentes iniciativas, e por suposto aos alumnos e alumnas que participaron coas súas ideas, que reflicten o ben que coñecen a sociedade actual e os problemas que teñen como mozos e mozas”, apuntou Loureiro.
Para o Concello de Viveiro, “este programa é moi interesante, porque os alumnos e alumnas participantes convertense en axentes do cambio social, creando sempre da man da innovación ferramentas e solucións para mellorar o seu entorno”.
“Trátase en definitiva dunha boa iniciativa para contribuír á educación e a formación dos nosos mozos e mozas, o cal é unha prioridade por suposto para o Concello de Viveiro”, engadiu a alcaldesa.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
