Ribadeo, 24 de marzo 2022. O voceiro do Grupo Municipal Popular de Ribadeo, Daniel Vega, considera “unha boa noticia que o Goberno central bonifique o prezo do solo do polígono industrial de Ribadeo”. De feito, explica que “o noso Grupo Municipal alégrase de calquera boa xestión ou calquera medida adoptada por calquera administración que beneficie a Ribadeo”.
O popular explica que “levamos dende o inicio deste mandato reclamando que se adopten medidas concretas para o noso polígono industrial, tanto por parte do Goberno central como tamén do goberno municipal do BNG”.
Unha desas medidas é a de rebaixar o prezo do solo. Nese sentido, o Grupo Municipal Popular sinalaba unha porcentaxe do 50% e “seguimos mantendo esa proposta”, defende Vega. Así mesmo, apunta que “é posible”. De feito, “é o que ocorre en Viveiro e Cervo. Estes polígonos, xestionados por Xestur, son de titularidade autonómica e teñen bonificado o prezo do solo nun 50%”.
Vega cre que “este tipo de medidas si benefician directamente ás empresas” e, polo tanto, favorecería que se asentaran en Ribadeo “onde temos un polígono industrial completamente baleiro”.
Foron tamén varias as ocasión nas que o Grupo Municipal Popular propuxo ao goberno local a baixada dos impostos municipais. O portavoz sinala que esta medida tamén é posible: “en Mondoñedo rebaixaron nun 95% os impostos municipais coma o IBI, o Imposto de Actividades Económicas, o ICIO…”. Polo tanto, “o goberno do BNG tamén pode aprobar esta rebaixa en Ribadeo”.
Esta medida beneficiaría ás empresas que se asentasen en Ribadeo, pero tamén ás que xa hai no noso concello e que “están moi cabreadas porque están a pagar este ano moitos máis impostos municipais que o ano anterior”, asegura Vega.
“O Grupo Municipal Popular defendeu e segue defendendo a creación dun espazo ou aceleradora que sirva de motor para a creación de emprego”. O popular fai así referencia aos ‘Espazos Coworking’ que “forman a moitas persoas para ser futuros emprendedores. Isto tamén benefician ao polígono industrial”.
O Grupo Municipal Popular levará este asunto de novo a pleno porque “é un tema serio e que beneficia a Ribadeo. Necesitamos empresas, necesitamos motores e músculo económico para o noso pobo”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
