Ribadeo, 22 de marzo de 2022. O alcalde, Fernando Suárez, achegouse esta mañá á Casa do Viejo Pancho ao curso de inglés básico para atención ao público, que se imparte dentro do proxecto Ribadeo Suma Emprego. Desenvolverase desde hoxe os martes e os xoves durante cinco semanas.
O rexedor contou que “dentro deste proxecto formativo Ribadeo Suma Emprego, que se vén desenvolvendo nestes últimos tempos, estamos impulsando servizos de orientación laboral. E agora, con moito éxito de participación, puxemos a andar este pequeno obradoiro de inglés básico para atención ao público que se vai dar na Casa do Viejo Pancho os martes e os xoves durante 5 semanas e que está dirixido a todas aquelas persoas que non posúen estes coñecementos lingüísticos, pero que o seu ámbito profesional evidentemente ten unha relación coa atención ao público. Son conceptos básicos en inglés e vocabulario, que van permitir ter unha conversación e mellorar o desempeño do traballo”.
Suárez Barcia dixo que “todo isto súmase a outras actividades que xa fixemos de competencias dixitais básicas, en habilidades sociais para o emprego e con outras novas, que proximamente iniciaremos, con competencias clave de nivel 2 e 3, e ademais un novo portal de emprego, que tamén está previsto”.
O alcalde engadiu que “todas estas iniciativas que diriximos desde o Concello de Ribadeo con fondos municipais facémolas para intentar axudar e dar máis formación para a busca de emprego e para poder desempeñar mellor os postos de traballo”.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
