Viveiro, 9 de marzo, 2022. O BNG de Viveiro ve totalmente ausente á actual alcaldesa, María Loureiro, co medio rural e inciden en que xa van tres anos de mandato sen progresos nin melloras para o mesmo.
A concelleira do Bloque, Míriam Bermúdez, pon o foco en tres medidas de urxencia para o rural de Viveiro, entendendo que “son medidas esenciais e mínimas que o goberno de María Loureiro, por obriga, non debera pasar por alto”. As nacionalistas propoñen:
. Mudar a situación na que se atopan as estradas que son de titularidade do Concello de Viveiro. O BNG xa propuxera un elaborado Plan de Mantemento de Estradas Municipais, con políticas convenientemente estruturadas e axendadas que incluía tarefas de mantemento, conservación e mellora de estradas. Un Plan rexeitado por María Loureiro en pleno pero no que se ve da súa necesidade con cada día que pasa, sen observación nin planificación das obras e actuando tan só baixo denuncia pública; hai uns meses en Boimente a traves das redes sociais e do BNG, e hai uns días nas Pallaregas á raiz dunha exitosa recollida de sinaturas veciñal queixándose do abandono das estradas competencia do Concello.
. Comunicación a internet de alta velocidade, onde o BNG xa reclamou da administración local, autonómica e estatal, unha solución tecnolóxica para estes núcleos rurais de Viveiro que están en “zonas de sombra”. María Loureiro de momento non quixo afondar neste tema reclamándoo desde a alcaldía, nin á Xunta nin ao Estado. As comunicacións por internet de alta velocidade son a día de hoxe imprescindibles para calquera trámite.
. Primordial dinamizar o rural apoiando o sector cárnico. O matadoiro municipal leva 10 meses pechado pola carencia de traballos de inspección, comprobación e supervisión á subcontrata en todos estos anos que María Loureiro está no goberno. Mais agora que está pechado, tampouco se ve interés nin avances para a súa reapertura da que dependen gandeirías e carnizarías do noso concello e arredores. É de obriga que o equipo de goberno traballe na búsqueda de solucións, na redacción de pregos para a posterior licitación e mesmo na búsqueda de fondos para subsanar as deficiencias que presenta a edificación.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
