Ribadeo, 10 de marzo 2022. O coordinador de deportes dos populares ribadenses, Tito Suárez, lamenta que “o goberno local do BNG siga sen actuar nas instalacións deportivas municipais: non o fixo no Pepe Barrera, nin no polideportivo municipal da Rúa Alfredo Deaño nin no parque biosaudable do aparcamento municipal e tampouco nas instalacións deportivas do rural”. Despois de poñer como exemplo o abandono da pista polideportiva de Rinlo, sinala tamén o mal estado da pista polideportiva de Ove “e o lamentable e vergonzoso estado do seu entorno”.
O popular explica que “seguimos á espera de que o goberno municipal se preocupe polas entidades deportivas e os lugares onde practican os seus respectivos deportes”. Condena, nese sentido, “a falta de traballo e o pasotismo deste goberno do BNG” e, máis concretamente, “do concelleiro de deportes que conta con dedicación exclusiva; é dicir, pagámoslle todos os veciños para que realice este labor. Dá a sensación de que o supera a situación e o cargo”, remarca.
Tito Suárez afirma que “a este goberno do BNG lle da igual todo ou, mellor dito, case todo. Porque figurar e saír nas fotos si que queren. E se non están ou non os chaman coaccionan ás entidades. Para iso si están áxiles. Se estiveran así para traballar por Ribadeo e os veciños, sería outra cousa”, remarca.
Traballo, implicación e interese
O Grupo Municipal Popular segue insistindo en que “o traballo é o mellor remedio para ter as instalacións en perfecto estado, pero ese traballo é responsabilidade deste goberno municipal do BNG. Pero como non o está facendo, teñen que ser as entidades deportivas as que o fagan (varrer os excrementos das palomas das gradas, arranxar as instalacións, etc…)”, explica.
O Grupo Municipal Popular dálles as gracias a todas as entidades deportivas polo seu traballo incansable, a súa dedicación e implicación cos nosos deportistas”. Así, os populares manifestan que “seguiremos interesándonos polas entidades deportivas e polas instalacións onde practican o seu deporte tanto na vila coma no rural” e ofrécense a “axudar en todo o que podamos”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
