Viveiro, 18 de marzo de 2021. O pleno do Concello de Viveiro incluía na súa orde do día a dación de conta da liquidación do orzamento municipal de 2021, en cumprimento da Lei Orgánica de Estabilidade Orzamentaria e Sostenibilidade Financeira.
A liquidación do orzamento xeral do exercicio 2021 do Concello de Viveiro cumpre co obxectivo de estabilidade orzamentaria, cunha capacidade de financiamento de 1.178.728,15 euros.
“Dende o equipo de goberno mostrámonos satisfeitos cos datos acadados e o balance económico de 2021, considerando que é a liña a seguir para ir rebaixando débeda mantendo todos os servizos municipais e acometendo melloras para mellorar a vida dos noso veciños e veciñas”, asegura a alcaldesa, María Loureiro.
Polo que respecta á regra de gasto, aínda que quedou suspendida por mor da pandemia para os exercicios 2020-2021, faise constar no informe de intervención que o concello cumpre esta regra, ao ser a diferencia entre o gasto computable do exercicio de 10.360.628,05 € e o gasto máximo de 11.885.555,12 € (segundo o Plan Económico Financeiro, 1.524.927,07 €, o que representa unha variación do gasto computable 2021/2020 de -0,92%).
Así mesmo, o período medio de pago do Concello de Viveiro do cuarto trimestre foi de 3,15 días, segundo a metodoloxía do Real Decreto 635/2014, e de 25,49 días segundo a normativa de morosidade.
“Quero agradecer o esforzo por parte dos departamentos de Intervención e Tesourería, debido ao elevado numero de movementos e operacións, para poder cumprir cos preceptos indicados”, afirma Jesús Fernández, tenente de alcalde e concelleiro de Facenda.
Por outra banda, tamén se cumpre co Plan de Saneamento aprobado o 7 de abril de 2017, cun aforro neto positivo de 339.811,57 €, un aforro bruto positivo de 1.525.206,11 € e un remanente de tesourería para gastos xerais de 874.446,14 €.
Finalmente, tamén se cumpre co límite de débeda pública, cunha débeda vida que ascende a 9,3 millóns, que supón o 68,96% dos ingresos correntes (por debaixo do 75% máximo admitido).
Esta liquidación formará parte da Conta Xeral, expresión financeira da contabilidade orzamentaria, sendo obrigación formal render contas á xestión realizada nos aspectos económico, financeiro, patrimonial e orzamentario. Trátase dun acto esencial para a fiscalización por parte dos órganos de control externo.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
