Burela, 6 de marzo, 2022. O Pescados Rubén Burela vendeu cara a súa derrota ante o Barça, líder de Primeira División e recente campión da Supercopa de España, que conquistou os tres puntos no feudo de Vista Alegre cunha vitoria por 2-4.
O conxunto mariñao iniciou o encontro plantando cara ao todopoderoso Barça e gozou de varias ocasións para adiantarse no marcador. Alex Diz, Wanderson e Pitero probaron a seguridade de Feixas que respondeu con solvencia as acometidas locais. Cara ao ecuador do primeiro período os cataláns comezaron a desperezarse con disparo de Esquerdinha e unha contra finalizada por Adolfo que resolveu Kaluza con solvencia.
Os burelistas alternaron a presión alta cunha defensa baixa para saír ao contragolpe e nun par de rápidas transicións Iago Míguez e Pazos atopáronse de novo con Feixas que sostiña o empate inicial para os blaugranas. Co paso dos minutos Dyego comezou a mostrarse máis activo e levar o tempo do xogo para xerar maior perigo sobre a meta burelense. O Barça mostrou a súa efectividade tras unha boa parede que Povill finalizou á perfección para adiantar ao seu equipo, minuto 16.
Co 0-1 chegaron os mellores momentos dos visitantes que aproveitaron un córner para situar o 0-2 no marcador. Coelho enganchou unha gran volea ante a que Kaluza pouco puido facer. Lonxe de amedrentarse o Burela respondeu con orgullo e David Pazos recortou distancias (1-2) cun gran disparo. Coa renda mínima favorable ao Barça chegouse ao descanso e no segundo acto a escuadra blaugrana aproveitou a súa primeira ocasión para situar o 1-3, minuto 25, tras gran xogada individual de Ortas. O Pescados Rubén Burela non baixou os brazos e a dinámica do partido entrou nun intercambio de golpes nulos.
A dez minutos para o final debutou Shunta Uchida coa camiseta laranxa, o internacional xaponés impulsou ao seu equipo na recta final do partido con varias accións de perigo. Os burelistas buscaron recortar distancias con Alex Diz no xogo de cinco e gozaron de dúas ocasións para logralo pero a sentenza chegou co 1-4 de Adolfo desde propia pista e a porta baleira. David Pazos estableceu o 2-4 final nos últimos instantes dun partido que o Barça gañou con oficio.
Ficha técnica
Pescados Rubén Burela: Kaluza, Iago Míguez, Isma, David Pazos, Quintela – cinco inicial- Wanderson, Alex Diz, Pitero, Shunta.
Barça: Feixas, Coelho, Dyego, Adolfo, Carrasco –cinco inicial- Povill, Marcenio, Ortas, Esquerdinha, V.Pérez. Goles: 0-1, m.16, Povill; 0-2, m.16, Coelho; 1-2, m.17, David Pazos; 1-3, m.25, Ortas; 1-4, m.38, Adolfo; 2-4, m.40, David Pazos.
Árbitros: Gallo Suárez, Hevia Campa. Tarxeta amarela a Iago Míguez, Pitero e David Pazos de Pescados Rubén Burela e a Ortas no Barça.
Incidencias: Partido correspondente á xornada 17 de Primeira División RFEF, disputado no pavillón Vista Alegre de Burela. 750 espectadores. O Burela realizou o corredor de honra ao FC Barcelona pola conquista da Supercopa de España en Jérez.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
A convocatoria foi realizada polo Concello para amosar a solidariedade de Ribadeo con esta catástrofe natural.
