Lugo, 20 de marzo de 2022. En política é preciso proceder cun mínimo de elegancia, de saber facer, para que o xogo democrático funcione debidamente. O presidente da Deputación ten un comprobado déficit de elegancia política. No pasado pleno da corporación provincial, de novo incorreu na inelegancia de criticar a quen non podía defenderse, esta vez a Alberto Núñez Feijóo, presidente da Xunta de Galicia e único aspirante a presidir o PP de España.
O portavoz popular na Deputación, Javier Castiñeira, sinala: “No pleno escoitamos ao señor Tomé falando do presidente da Xunta no mesmo ton co que fala aos deputados do PP, coa prepotencia que o caracteriza. É para estudar o nivel de hipocrisía do señor presidente da Deputación de Lugo, tamén alcalde de Monforte, delegado provincial de Vías e Obras e secretario xeral dos socialistas lucenses. Preguntámonos como é capaz de criticar ao presidente da Xunta de Galicia por querer ser presidente do PP de España e recorrer o país explicando o seu proxecto. O señor Tomé fixo o mesmo hai dous días, evidentemente cada un na súa liña; o señor Feijóo no ámbito do territorio español e o señor Tomé no da provincia de Lugo. Tomé pasou varios días visitando as diferentes delegacións do PSOE; por que el ten dereito a facelo e non o ten o señor Feijóo?”.
O portavoz popular declara: “Todo o mundo coñece a cantidade de cargos que ostenta o señor Tomé. Non atende a ningún, como el mesmo veu a dicir días pasados, ao declarar que dedica máis tempo ao Concello de Monforte e que apenas dedica tempo á Deputación de Lugo; non hai máis que ver como ten as estradas, pese a que é delegado de Vías e Obras”.
Castiñeira di ao presidente da Deputación: “Señor Tomé, déixese de hipocrisías e desa falta de respecto institucional, á que tan acostumados nos ten no que se refire á Xunta de Galicia; deixe de facer politiqueo barato e electoral e atenda ao Concello de Monforte, á Deputación, ás estradas e aos veciños que se queixan, como os de Begonte que presentaron 170 firmas para que arranxe as estradas”.
Na súa calidade de presidente da Deputación, Tome “cada vez que fala representa a todos os veciños da provincia, e as súas meteduras de pata son do presidente de todos os lucenses; corríxase, señor Tomé, débello a todos os lucenses”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
