Barreiros, 02 de marzo de 2022. O Concello de Barreiros dará continuidade á programación de Entroido con diversos actos que se encadran dentro do slogan “con M de Mulleres” e que se desenvolverán ao longo do mes de marzo. Con esta programación quérese adicar este mes de marzo ás mulleres mariñás, que serán as protagonistas da meirande parte dos actos.
O programa comeza coa actuación musical do grupo “Habelas Hainas”. Grupo feminino formado en 2010 e que toma como punto de partida a música de raíz. Combinan, de xeito brillante, un son enérxico, fresco e orixinal, sempre desde unha perspectiva de xénero. Esta actuación está financiado pola Área de Igualdade da Deputación de Lugo e terá lugar este domingo, 6 de marzo, no centro sociocultural de San Cosme ás 19 horas.
Para o domingo 13 de marzo ás 18 horas, tamén no centro sociocultural de San Cosme, as nenas e nenos que forman parte do programa “Sinfónico no Rural”, interpretarán unha peza musical baixo a dirección do profesorado. Ao acto acudirán varias artistas invitadas, todas elas mulleres mariñás do mundo da música e da escrita que interpretarán varias pezas musicadas. Unha vez remate a actuación farase un breve coloquio. O programa “Sinfónico no Rural” é un programa de educación músicosocial que promove a Fundación Xesús Bal y Gay. Combina a aprendizaxe dun instrumento co desenvolvemento de valores e capacidades encamiñados a enriquecer as relacións sociais, estimular a imaxinación, a motivación, a mellorar a autoestima e o traballo en equipo achegando a música a nenas e nenos independentemente do lugar onde vivan.
Para rematar os actos do mes adicado ás mulleres, o sábado 19 de marzo ás 12 horas, terá lugar nos Colexios Vellos de San Miguel o encontro literario “Mulleres na escrita”. A edil de igualdade, Montse porteiro, sinala que: contaremos coa presenza da escritora burelá Antía Yáñez que nos falará do seu libro “Senlleiras” e tamén presentará o libro da escritora barreirense Lucía Ferro, “Resaibo Amargo”. A concelleira apunta que: esta é a “opera prime” de Lucía Ferro e, desde o Concello de Barreiros, quixemos compartir coa veciñanza o orgullo que sentimos de presentar o libro no seu pobo, nun acto conducido por unha das escritoras galegas de máis sona e que tamén é mariñá.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
