Burela, 11 de marzo, 2022. Vitoria a domicilio do Pescados Rubén Burela que derrotou con folgura ao Sala Zaragoza no pavillón S. XXI de Zaragoza por 2-5. O conxunto mariñán encarrilou o partido nunha primeira parte na que abriu o marcador nos primeiros compases por mediación de Irene Samper (0-1). Co paso dos minutos a escuadra dirixida por Lucas afianzou o seu dominio ante un SalaZaragoza que apenas inquietaba a meta defendida por Sandra. Emilly rozou o segundo tanto cunha espectacular vaselina pero na seguinte oportunidade non perdoou a Etayo marcando o 0-2, minuto 16.
A presión alta do Pescados Rubén Burela maniatou a un equipo local que acusaba a escasa rotación dispoñible para este partido. Na recta final do primeiro período as galegas deixaron o choque encarrilado con dous goles máis. Ale de Paz ampliou a renda marcando a porta baleira tras unha boa presión e Bea Mateos situou o 0-4 definindo con clase un contragolpe.
Co 0-4 chegouse ao descanso e na continuación o Burela saltou á cancha mantendo a presión alta e rapidamente cortou calquera indicio de esperanza local co 0-5 logrado por Irene Samper, minuto 23. Tras unha boa presión e roubo, a burelista marcou o quinto sen oposición. Co 0-5 o equipo galego manexou o partido con solvencia e sen moitos apuros para Jozi que entrou no segundo acto para salvagardar a portería laranxa.
No minuto 3, o Sala Zaragoza recortou distancias ao transformar Martins unha pena máxima (1-5) e Miriam maquillou o resultado co 2-5 final.
Ficha técnica
Sala Zaragoza: Etayo, Queiroz, Laura, Martins, Carmen –cinco inicial- Mirian, Maite, Antía.
Pescados Rubén Burela: Sandra, Cami, Leti M.Cortés, Irene Samper, Emilly –cinco inicial- Bea Mateos, Elena Aragón, Dany, Ale de Paz, Jenny, Jozi e Elenita.
Goles: 0-1, m.4, Irene Samper; 0-2, m.16, Emilly; 0-3, m.19, Ale de Paz; 0-4, m.20, Bea Mateos; 0-5, m.23, Irene Samper; 1-5, m.31, Martins (pen); 2-5, m.34, Miriam.
Equipo arbitral: Gómez Vermello, Lucía; Paraíso Sopena, Susana. Mostraron cartón amarelo a Queiroz, Carmen e Antía do Sala Zaragoza. No Pescados Rubén Burela recibiron cartón amarelo Dany e Elena Aragón.
Incidencias: Partido correspondente á xornada 20 de Primeira División RFEF, disputado no pavillón S. XXI de Zaragoza.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
