Bruxelas, 29 de abril de 2022. A secretaria xeral técnica da Consellería do Mar, Silvia Cortiñas, mantivo hoxe encontros con distintos representantes da Comisión Europea para analizar as propostas comunitarias para limitar a pesca de fondo e presentarlles un informe elaborado pola Xunta que cuantifica o impacto que esas medidas terían na frota artesanal da comunidade. O documento constata que as restricións para artes que teñen contacto co fondo ameazan máis do 20% dos buques de artes menores de Galicia e un terzo do emprego directo desta frota.
A análise realizada polo Executivo galego cifra en preto de 900 as unidades de artes menores -miños, trasmallos, vetas, rastros de vieira, bou de vara ou bou de man, entre outras- potencialmente afectadas dun total de 3.800 embarcacións artesanais. Tendo en conta que cada barco conta cunha media de 2,4 tripulantes, as posibles limitacións da actividade prexudicaría a máis de 2.100 profesionais.
Silvia Cortiñas expuxo ante representantes da Dirección Xeral de Medio Ambiente (DG ENVI) e da Dirección Xeral de Asuntos Marítimos e Pesca (DG MARE) da Comisión Europea os argumentos de Galicia ante os plans da Unión Europea e advertiu de que as limitacións á pesca de fondo teñen un potencial impacto na economía galega de preto de 280 millóns de euros, contando unicamente a actividade vencellada coas artes menores.
Desa cifra, arredor de 120 millóns de euros correspóndense coas vendas dos seus produtos en lonxa -con especial relevancia dos trasmallos (case 40 millóns), miños (34 millóns) e vetas (máis de 20 millóns)- que superaron as 21.500 toneladas de produtos do mar postas no mercado. Novamente volven predominar os trasmallos, con 5.800 toneladas, os miños, con máis de 5.700, e as vetas, con algo máis de 4.000 toneladas.
A repercusión das restricións ás artes que tocan o fondo mariño terían ademais unha incidencia potencial nos salarios da tripulación de 44 millóns de euros, o que suporía un recorte medio de salario por tripulante de preto de 21.000 euros na frota costeira artesanal. A eles habería que sumar tamén o impacto indirecto dos bens e servizos provistos aos barcos, que roldaría os 55 millóns de euros, contando actividades como a provisión de combustible, xeo, víveres, servizos de reparación ou administrativos, entre outros.
Coa presentación deste informe Galicia avanza nas xestións para contrarrestar os plans da Comisión Europea e doutras institucións comunitarias para impoñer limitacións e restricións á pesca con artes de fondo en augas europeas. O obxectivo é que autoridades competentes sexan conscientes do impacto que as medidas propostas ao abeiro da Estratexia de Biodiversidade para 2030 poden ter, desde o punto de vista socioeconómico, na frota de artes menores.
Outros informes
Este documento dá continuidade aos xa enviados pola comunidade a Bruxelas e nos que se constata tanto a escasa pegada de carbono e a nula pegada hídrica que teñen moitas artes de arrastre de menor tamaño -algo que referendan tamén informes internacionais- como a existencia de elementos alleos á pesca que inciden nas zonas mariñas protexidas e afectan ao seu estado.
Neste sentido, Galicia tamén pediu ao Executivo comunitario coñecer os ditames biolóxicos, económicos e sociais que sustentan a proposta europea de aumentar as áreas con limitacións á pesca con determinadas artes.
A comunidade lembra que todas as artes de pesca son respectuosas co medio ambiente se se empregan ben e que unha limitación á presenza dalgunhas artes complicaría a actividade dun importante número de embarcacións e podería derivar na perda de buques e empregos. Por iso, a Xunta traballa tamén no establecemento de alianzas con aquelas rexións pesqueiras europeas que, ao igual que Galicia, se verían afectadas por esas novas restricións e vai dar continuidade nos próximos meses aos encontros mantidos a comezos de febreiro coas autoridades pesqueiras da Bretaña francesa e facer o mesmo coas de Países Baixos ou Irlanda.
Silvia Cortiñas defendeu en Bruxelas que é un erro catalogar algunhas artes como prexudiciais, pois o seu impacto depende en boa medida do uso que se lle dea, e salientou o bo facer da frota española, que usa as distintas artes seguindo estritamente a lexislación en vigor. Ese bo facer, salientou, é o que levou a que a maioría das pesqueiras nas que faenan os buques galegos se atopen no rendemento máximo sustentable (RMS), o nivel óptimo de capturas que se pode extraer dun caladoiro sen prexudicar o estado do recurso.
Galicia sempre defendeu, e así o vai seguir facendo, a necesidade de que na xestión das pesqueiras se teñan en conta tanto os aspectos medioambientais como os económicos e sociais. Iso é o que pretende demostrar o informe sobre as artes de fondo pois detrás de cada embarcación e de cada especie hai familias que teñen nelas o seu sustento, polo que non se poden xestionar os recursos desde unha perspectiva exclusivamente medioambiental.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
